Լոռու մարզի Նորաշեն համայնքի Սբ. Խաչ  եկեղեցին հարստացավ ջերմեռանդության ևս մեկ գեղեցիկ բաղադրիչով՝ Հիսուս Քրիստոսի խաչելությունը պատկերող մի ստեղծագործությամբ, որի հեղինակը երիտասարդ քանդակագործ Դավիթ Ավետիսյանն է, իսկ հովանավորը բարերար Սոս Բաղդասարյանն է: Խաչը պատրաստված է կաղնու փայտից, իսկ Հիսուս Քրիստոսի քանդակը գիպսից է: 2015թ. փետրվարի 13-ին խաչելության պատկերը օծվեց Տաշիրի հայ կաթողիկեների ժողովրդապետ Գերպ. Հ. Ներսես վրդ. Գալստյանի ձեռամբ: Օծման արարողությանը ներկա համայնականների համար գյուղի եկեղեցում տերունական խորհուրդը պատկերող մի նոր զարդ ունենալը կարևոր իրադարձություն էր և գեղեցիկ սկիզբ Մեծ Պահքի խոկումներն ու աղոթքները սկսելու համար: Հիշեցնենք, որ Նորաշենի եկեղեցին կառուցվեց 2014թ.: Եկեղեցու խաչն ու խորանը օծվեցին 2014թ. սեպտեմբերի 25-ին ձեռամբ Գերշն. Տեր Ռաֆայել Արքեպս. Մինասյանի: Այդ մասին պատմող հոդվածը կարող եք կարդալ այստեղ: