Այս ֆիլմը պատմում է Հայ Կաթողիկե Եկեղեցու «Կարդինալ Աղաջանյան» պատանեկան ճամբարի մասին: Ճամբարը, Հայաստանի, Վրաստանի, Ռուսաստանի և Արևելյան Եվրոպայի հայ կաթողիկեների առաջնորդ Գերշն. Տ. Ռաֆայել Արքեպս. Մինասյանի օրհնությամբ,  կազմակերպել է Տ. Գրիգոր ավագ քահանա Մկրտչյանը, արդեն 5-րդ անգամ՝ Հայաստանի, Վրաստանի կաթողիկե համայնքների 11-16 տարեկան պատանիների համար: Այս տարի ճամբարին մասնակցեց մոտ 300 պատանի, հուլիսի 21-ից օգոստոսի 14-ը, երկու հերթափոխով, Շիրակի մարզի Թորոսգյուղ համայնքի հարևանությամբ: Ճամբարի կազմակերպմանը ֆինանսապես աջակցել են գերմանական Renovabis և Kirche in Not բերասիրական կազմակերպությունները: