• Վաստակաշատ լրագրող Սարգիս Նաջարյանը և Հայկական Կարիտասի խորհրդի անդամ Զվարթ Նաջարյանը պարգևատրվեցին բարձրագույն պարգևներով
    3

    Հայապահպանության վաստակի համար


    2017թ. հունիսի 30-ին ՀՀ սփյուռքի նախարարությունում հյուրընկալվեցին Արհ. Տ. Ռաֆայել արքեպս. Մինասյանը, Գերհ. Հ. Գառնիկ ծ. վրդ. Հովսեփյանը, լիբանանահայ լրագրող Սարգիս և նրա կինը՝ Հայկական Կարիտասի խորհրդի նախագահ Զվարթ Նաջարյանները, Լիբանանի Կարիտասի նախագահ Հ. Փոր Քարամը, Հայկական Կարիտասի աշխատակիցներ, Սոցիալ Դեմոկրատ Հնչակյան Կուսակցության (ՍԴՀԿ) կենտրոնական վարչության անդամ Եղիկ Ճերեճյանը, նկարիչ Ռուդիկ Պետրոսյանը:

     

    Ինչպես տեղեկացնում է ՀՀ Սփյուռքի նախարարությունը,

     

    Ջերմորեն ողջունելով հյուրերին՝ ՀՀ սփյուռքի նախարար Հրանուշ Հակոբյանը բարձր գնահատեց  Զվարթ Նաջարյանի՝ «Հայկական Կարիտաս» բարեգործական կազմակերպության կենտրոնական վարչությունում, Հայ Կաթողիկե եկեղեցու կրթական խորհրդում և «Ջինիշյան» հիշատակի հիմնադրամում ծավալած մեծածավալ գործունեությունը:2-2

     

    «Տիկին Զվարթն իր ողջ կյանքը նվիրել է հայ մանուկների կրթության և դաստիարակության գործին: Իր ամուսնու՝ վաստակաշատ լրագրող Սարգիս Նաջարյանի հետ նա կյանքի փառահեղ ճանապարհ է անցել՝ Լիբանանի հայկական համայնքում իրականացնելով հայապահպան կարևոր առաքելություն», – նշեց նախարարը:

     

    Սփյուռքի նախարարը առանձնակի կարևորեց «Հայկական Կարիտաս»-ի գործունեությունը՝ նշելով, որը իր ստեղծման օրվանից կառույցը անմիջական աջակցություն է տրամադրել հազարավոր մարդկանց Հայաստանի համայնքներում:

     

    Բարձր գնահատելով Հայաստան-Սփյուռք գործակցությանը մատուցած ծառայությունները, մատաղ սերնդի, երիտասարդության ուսուցման և հայեցի դաստիարակության գործում ձեռք բերած հաջողությունները և ազգային հասարակական գործունեությունը՝ նախարար Հրանուշ Հակոբյանը Զվարթ Նաջարյանին պարգևատրեց ՀՀ սփյուռքի նախարարության Ոսկե մեդալով:

     

    Շնորհակալություն հայտնելով ջերմ ընդունելության և պարգևի համար՝ Զվարթ Նաջարյանը նշեց. «Այս պահն ինձ համար ոչ միայն ուրախություն և պատիվ է, այլև պատասխանատվություն՝ շարունակել ծառայելու իմ ժողովրդին: Այսօր «Հայկական Կարիտաս»-ը ամուր հիմքեր ունեցող կազմակերպություն է` հստակ սահմանված առաքելությամբ և ռազմավարական ուղղություններով: Մենք պիտի շարունակենք մեր հայանպաստ գործունեությունը ինչպես Հայաստանում, այնպես էլ՝ Սփյուռքում:  Ազգաշեն գործունեությամբ է զբաղվում ՀՀ սփյուռքի նախարարությունը, իսկ Սփյուռքի նախարար Հրանուշ Հակոբյանը առաքելություն է իրականացնում»:

     

    Հայաստանի ժուռնալիստների միության նախագահ Աստղիկ Գևորգյանն անդրադարձավ Հայ Կաթողիկե Պատրիարքության Սուրբ Գրիգոր Նարեկացի կենտրոնի և լրատվական գրասենյակի վարիչ-քարտուղար, «Մասիս» ամսաթերթի խմբագիր Սարգիս Նաջարյանի գործունեությանը՝ նշելով, որ Սարգիսը երկար տասնամյակներ խմբագրել է ՍԴՀԿ գլխավոր պաշտոնաթերթ «Արարատ» օրաթերթը (Լիբանանյան պատերազմի ժամանակ միայնակ է խմբագրել թերթը), սփյուռքահայ այլ պարբերականներում հանդես է եկել հայությանը հուզող խնդիրների մասին բազմաթիվ հրապարակումներով:

    4-4

    Աստղիկ Գևորգյանը Սարգիս Նաջարյանին պարգևատրեց Հայաստանի ժուռնալիստների միության «Հավատարիմ մասնագիտությանը» մեդալով:

     

    Սարգիս Նաջարյանն իր հերթին շնորհակալություն հայտնեց Աստղիկ Գևորգյանին՝ հայ լրատվական դաշտում տասնամյակների աշխատանքն արժևորելու և Սփյուռքի նախարարությանը՝ իր տիկնոջ՝ Զվարթ Նաջարյանի գործունեությունն ու վաստակը գնահատելու համար: «ՀՀ սփյուռքի նախարարության ստեղծումն ու գործունեությունն անհրաժեշտություն էր Սփյուռքի համար: Հպարտությամբ եմ ուզում հիշել, որ նախարարության ստեղծումից անմիջապես հետո ես առաջին սփյուռքյան լրագրողն էի, որ հարցազրույց վերցրի նախարար Հրանուշ Հակոբյանից: Այդ հարցազրույցում տեղ գտած մտքերն ու գաղափարներն առ այսօր արդիական են», – նշեց Սարգիս Նաջարյանը:

     

    Վաստակաշատ լրագրողը ընդգծեց նաև, որ իրենց ընտանիքն ականջալուր է նախարարի կոչին, քանի որ տուն են գնել Հայրենիքում, ամեն տարի այցելում են Հայաստան և հաշվեհամար են բացել հայաստանյան բանկում:

     

    Նաջարյան ընտանիքի մասին գնահատանքի խոսքով հանդես եկավ Հայաստանի, Վրաստանի, Ռուսաստանի և Արևելյան Եվրոպայի Հայ կաթողիկէների առաջնորդ, «Հայկական Կարիտասի» նախագահ, Արհ. Տ. Ռաֆայել արքեպս. Մինասյանը.10

    «Տեր և Տիկին Նաջարյաններն այսօր արժանիորեն պարգևատրվել են իրենց վաստակի համար: ՀՀ սփյուռքի նախարար Հրանուշ Հակոբյանը դիպուկ աչք ունի, քանի որ նկատում և արժևորում է լավագույն գործիչներին»:

     

    Նաջարյան ընտանիքի մասին իրենց սրտի խոսքն ասացին ՍԴՀԿ կենտրոնական վարչության անդամ Եղիկ Ճերեճյանը, նկարիչ Ռուդիկ Պետրոսյանը, «Հայկական Կարիտաս» բարեգործական կազմակերպության ներկայացուցիչներ Անահիտ Գևորգյանն ու Ֆլորա Սարգսյանը:

     

    8 9

Օրացույց

Օրացույց