ՄԱԿ-ի Գլխավոր գագաթնաժողովի կայքը հրապարակել է Սուրբ Աթոռի նամակը` ՄԱԿ-ի 2030 կայուն զարգացման օրակարգի վերաբերյալ:

Նամակը, որը թվագրված էր 2016թ. սեպտեմբերի 25-ին և ստորագրված է Արքեպիսկոպոս Բերնարդիտո Աուզայի՝ ՄԱԿ-ում Սուրբ Աթոռի մշտական դիտորդի կողմից, գնահատում է Օրակարգը և անում որոշ հետևություններ, որոնք առնչվում են Օրակարգի հետ՝ Սրբազան Քահանայապետի՝ ՄԱԿ-ին ուղղած կոչի (2015թ. սեպտեմբեր, Նյու Յորք) և այլ սկզբունքների հիման վրա:

 
Սուրբ Աթոռի նամակում նշված հիմնական սկզբունքները հետևյալն են.
մարդկային ամբողջական զարգացման անհրաժեշտության գիտակցումը,
Ճանաչել աղքատներին` որպես սեփական ճակատագիրը կերտող արժանապատիվ ներկայացուցիչներ,
Ապահովել հոգևոր ու նյութական միջոցներ,
հարգել արդարության սկզբունքը,
Պաշտպանել կրթության իրավունքը՝ մարդու արժանապատվության սկզբունքի համաձայն,
օրենքի գերակայությունը հարգելը,
Ձգտել վեճերի խաղաղ հանգուցալուծման,
այլոց ծառայելը և ընդհանուր բարօրությունը հարգելն ու համընդհանուր եղբայրության հիմքը կառուցելը:

2030-ի Օրակարգի սկզբունքների կիրառման մեջ Սուրբ Աթոռը հայտարարել է, որ «համաձայն է Օրակարգում թվարկված գրեթե բոլոր նպատակների ու նպատակակետերի հետ», սակայն ցանկանում է «օգտագործված որոշ հասկացությունների վերաբերյալ պարզաբանումներ և վերապահումներ անել»:

Նամակը հստակեցրեց Օրակարգի նպատակները, մարդկային անձի առանցքայնությունը, մարդկային արժանապատվության հասկացությունը, տղամարդկանց և կանանց, երեխաներին աջակցություն ցուցաբերելը, առողջապահությունը, ընտանեկան հարաաբերությունները, և համընդհանուր մարդկային զարգացումը։

Թարգմանեց Նարինե Գալոյանը