2 հունիսի, 2015թ.

 2015թ. մայիսի 30-ին Սրբազան Պապի հետ հանդիպել են մոտ 600 երեխաներ, ովքեր Վատիկան էին ժամանել գնացքով՝ «Երեխաների գնացքը», ինչպես ասում են: Այդ երեխաների ծնողները Իտալիայի բանտերում պատիժ կրող դատապարտյալներ են: Պապի հետ նրանց հանդիպումը կազմակերպել էր Մշակույթի պապական խորհուրդը: Նպատակը, ըստ կազմակերպիչների, երեխաներին առօրյա դժվարություններից, ծնողներից հարկադիր բաժանման հոգեբանական հետևանքներից մի պահ կտրելն էր և Քահանայապետի քաջալերանքը լսելու առիթը, ինչն ընձեռնվեց հիշարժան, մտերմիկ մի զրույցի ձևով:

Ահա մի քանի հատված:

Երեխաները Պապին նվերներ էին բերել, մեկը՝ հին գետնադաբաններից բերված հող, մյուսը՝ ինչ-որ բույս:

-Որտե՞ղ են գետնադամբանները,-հարցել է Պապը:

-Գետնի տակ,-պատասխանել են երեխաները:

-Իսկ գետնադամբաններում լույս կա՞:

-Ո՛չ…խավար է:

-Խավար: Դուք ինձ հող եք բերել խավարից: Իսկ ի՞նչ է նշանակում դա…ո՞վ կարող է ասել ինձ…Ինչու՞ եք ինձ հող բերել խավարից: Չեմ լսում: Բարձր ասացե՛ք:

-Որպեսզի այն լույս դառնա:

-Ճիշտ է: Խավարը լույսի համար է.երբ գիշեր է, ամեն բան խավար է: Բայց մենք սպասում ենք արշալույսին, երբ ծագում է լույսը: Ո՞րն է ավելի կարևոր: Լու՞յսը, թե խավարը:

-Լու՛յսը:

-Լու՛յսը: Եվ երբ մենք խավարում ենք, ո՞րն է ամենակարևորը: Գնալ դեպի…

-Լու՛յսը…լու՛յսը:

-Լու՛յսը: Այն միշտ մեր ներսում է: Որովհետև լույսը մեզ ուրախություն է տալիս: Այն մեզ հույս է տալիս: Իսկ մենք միշտ կարո՞ղ ենք գտնել լույսը:

-Այո՛,-պատասխանել է մի աղջնակ:

-Ճի՛շտ է, դու…վստահ ես: Ասա՛ նրանց՝ մենք կարո՞ղ ենք գտնել լույսը:

-Այո՛,-դարձյալ կրկնել է աղջնակը:

-Հիմա, բոլորդ միասին…մենք կարո՞ղ ենք:

-Այո՛,-արձագանքել են բոլորը:

-Այո՛, որովհետև լույսի մեջ լավ բաներն են, և լույսի մեջ կարող եք անել այն, ինչ ասացիք ինձ, երբ նվիրեցիք այդ բույսը՝ ստանալ պտուղներ, որոնք կօգնեն մեզ աշխարհը դարձնել ավելի…

-Լա՛վը:

-Եվ կարելի՞ է ստեղծել ավելի լավ մի աշխարհ:

-Այո՛:

-…Եվ ինչպե՞ս եք աշխարհն ավելի լավը դարձնում: Ատելությա՞մբ:

-Ո՛չ, սիրո՛վ:

-Սիրո՛վ: Սիրով: Բոլորը միասին, ինչպես եղբայրներ, կռվելով կողք կողքի՝ հանուն սիրո: Եվ այդ պատճառով, մի բան կասեմ ձեզ: Երբ Հովհաննես առաքյալը…ով ուզում էր ասել, թե ով է Աստված, գիտե՞ք, թե ինչ ասաց: «Աստված սեր է»: Գեղեցիկ բան է սա: Ո՞վ է Աստված:

-Նա սե՛ր է:

-Ավելի բա՛րձր:

-Սե՛ր է:

-..Եվ մենք գնում ենք դեպի լույսը՝ գտնելու համար Աստծո սերը: Բայց արդյո՞ք Աստծո սերը մեր մեջ է, նույնիսկ խավարում: Աստծո սերը թաքնված է: Այո՛: միշտ: Աստծո սերը երբեք չի լքում մեզ: Այն միշտ մեզ հետ է: Դուք հավատու՞մ եք այդ սիրույն:

-Այո՛:

-Շնորհակալ եմ, որ եկաք: Ես այնքա՛ն երջանիկ եմ, որ մենք միասին ենք:

-Մե՛նք էլ: Մենք բոլորս սիրում ենք Ձեզ:

-Ես կաղոթեմ ձեզ համար, որպեսզի Տերը ձեզ դարձնի աշխարհին սեր բերող տղաներ և աղջիկներ: Երբ Աստծո սերն է առջևում, ամեն բան լավ է…,-ասել է Սրբազան Քահանայապետը: