Արհ. Տ. Գեւորգ Արքեպս. Նորատունկյանը այս շաբաթ հովվական այցելություններ կատարեց Վրաստանի Թբիլիսիի, Ախալցիխեի եւ Ախալքալաքի հայ Կաթողիկէ համայնքներ, մատուցեց հայրապետական Սուրբ Պատարագներ, իր հայրական օրհնությունը բաշխեց տեղի հավատացյալ ժողովրդին, որ մեծ խանդավառությամբ եւ հոգևոր բերկրանքով ընդունեց նորանշանակ Առաջնորդ Հորը` պատվելով նրան որդիական սիրով և հյուրասիրությամբ, աղոթակից լինելով Սուրբ Զոհի միասնական արարողություններին։ Սա Առաջնորդ Հոր առաջին հովվական այցելությունն է, որ նաև ճանաչողական կարևոր նշանակություն ունի` առջևում բացվող լայնածավալ հովվական աշխատանքի շեմին: