Կիրակի, 30 մայիս, 2021 թուական. Փանիկի Սուրբ Աստուածածին Հայ Կաթողիկէ Եկեղեցւոյ կից լսարանի շենքում տեղի ունեցաւ Փանիկի արուեստի դպրոցի նկարչական խմբում սովորող սաների տարեվերջեան հաշվետու ցոյցահանդէսը ։

Ցոյցահանդէսում ներկայացուեցին աշակերտների լաւագոյն գործերը, որոնցից իւրաքանչիւրի մէջ ամփոփուած էր երեխաների սէրը, աշխատասիրութիւնն ու ջանասիրութիւնը։

Սա երեխաների համար եւս մէկ հնարաւորութիւն էր ինքնարտայայտուելու, ինչպէս նաեւ զարգացնելու իրենց ստեղծարար հմտութիւնները:

Թէեւ արուեստի դպրոցում սովորող աշակերտներից ոչ բոլորն են դառնալու նկարիչ կամ արուեստագէտ, սակայն այն գեղագիտական ճաշակը, որը նրանք ձեռք են բերում ուսման ժամանակ, ուղեկցելու է իրենց ամբողջ կեանքի ընթացքում։

Արուեստը այն լուսաւոր ճանապարհն է, որը մարդու հոգին պահում է մաքուր եւ անաղարտ. սաների աշխատանքները դրա վառ ապացոյցն են։

Ցոյցահանդէսին ներկայ էին Մայր Թերեզայի Գթութեան Միաբանութեան քոյրերը, բազմաթիւ հիւրեր, երեխաների ծնողները, ինչպէս նաեւ համագիւղացիները:

Հրաւիրուած հիւրերը ցոյցահանդէսը վայելեցին Արուեստի դպրոցի երաժշտական բաժնում սովորող աշակերտների ջութակի հնչիւնների ներքոյ, որն էլ միջոցառման մթնոլորտը էլ աւելի գեղեցիկ դարձրեց ։

Ցոյցահանդէսին բացման խօսքով հանդէս եկան Փանիկ համայնքի ղեկավար Վարդան Մակեյեանը, Փանիկի Սուրբ Աստուածածին Հայ Կաթողիկէ Եկեղեցւոյ Ժողովրդապետ Գերյ. Հայր Գառնիկ Ծ. Վրդ. Յովսէփեանը եւ այլոք։

Գերյ. Հայր Գառնիկ Ծ. Վրդ. Յովսէփեանը, Հայաստանի, Վրաստանի, Ռուսաստանի, Ուկրանիայի եւ Արեւելեան Եւրոպայի Հայ Կաթողիկէների Առաջնորդ Արհ. Տէր Ռաֆայէլ Արքեպս. Մինասեանի անունից Օրհնութեան գիր հանձնեց Փանիկ համայնքում մշակոյթի զարգացման եւ ազգային արժէքների պահպանմանը նպաստելու գործում իր մեծ ավանդը ներդրած Փանիկի Արուեստի դպրոցի նկարչութեան ուսուցչուհի Լիլիթ Տօնականեանին:

Լիլիթ Տօնականեանը իր խօսքում շեշտեց, որ այսպիսի ցոյցահանդէսներ համայնքում լինելու են շարունակական:

Ցոյցահանդէսը տեւելու է մէկ շաբաթ եւ մարդիկ կարող են այցելել ամէն օր ժամը 11:00-ից մինչեւ 19:00-ն։

Ստորեւ ներկայացնում ենք Լիլիթ Տօնականեանի կենսագրական տուեալները.

Լիլիթ Տօնականեանը ծնուել է 1995 թուականի յունիսի 29-ին Շիրակի մարզի Արթիկ քաղաքում:

2009թ. աւարտել է Արթիկ քաղաքի գեղարուեստի դպրոցը:

2016թ. աւարտել է Երեւանի Գեղարուեստի Պետական Ակադեմայի Գիւմրու մասնաճիւղի գեղանկարչութեան բաժինը,

2013թ. Խմբակային ցոյցահանդէսներ. ԵԳՊԱ «Ձմեռը մեր աչքերով», Գիւմրի,

2013թ. Անհատական ցոյցահանդէսներ.

2014թ. «Benetton Imago Mundi», Իտալիա,

2014թ. Հոկտեմբեր կինօթատրոն «Եղեռն» Գիւմրի,

2014թ. Շիրակի մարզի Թորոսգիւղ «Մինասի գոյներով» խորագիրը կրող «Երիտասարդ նկարիչների միջազգային 2-րդ պլեներ»,

2014թ.Արթիկի Գեղարուեստի դպրոց,

2015թ.ԵԳՊԱ «Աշնան գոյներով» Գիւմրի,

2015թ.Կալինինոյ, Տաշիր

2016թ.Դիլիջան,

2016թ. Ապրիլի 7-ին նուիրուած, Գեղագիտական կենտրոն, Գիւմրի,

2017թ. Տիգրան Մանսուրեանի անուան մշակոյթի կենտրոն, Արթիկ,

2017թ. «Ծաղիկներ Երեւանին», Հայ-Արտ մշակոյթային կենտրոն, Երեւան,

2017թ. ԱՄՆ Բրբանկ Հայ եկեղեցու Առաջնորդարան,

2017թ.ՇՊՀ «Յոյզեր ու Յոյսեր» Գիւմրի,

2017թ.ՀՆՄ Հանրապետական ցոյցահանդէս, Երեւան,

2017թ. Ստեղծագործութիւների ցոյցահանդէս, Արթիկ

2017թ. Մասնաւոր պատկերասրահ, Երեւան,

2017թ. «Հայ-Արթ» մշակութային կենտրոն «Կնոջ գոյնը», Երեւան,

2018թ. Էստոնիայի միջազգային նկարիչների միութեան եւ ՀՀ Սփիւռքի նախարարութեան աջակցութեամբ «Ոգեշնչուած Կոմիտասով» ցոյցահանդէս, Երեւան, 2018թ.Կարլ Լեւոնի պատկերասրահ, Հայաստանի Առաջին Հանրապետութեան 100-ամեակին նուիրուած, Երեւան,

2018թ. ՀԳՊԱՅ հիմնադրման 20-ամեայ յոբելեանին նուիրուայ ցոյցահանդէս,

2018թ.ՀՆՄ Հանրապետական ցոյցահանդէս, Նախագահ Արմէն Սարգսեանը ներկայ է գտնուել Առաջին Հանրապետութեան 100-ամեակին նուիրուած ցոյցահանդէսի բացմանը, 2018թ.Եղիշէ Չարենցի անուան գրականութեան եւ Արուեստի թանգարան, Երեւան,

2018թ. «Վերածնունդ» միջազգային մրցոյթ-փառատօն, Գիւմրի,

2019թ.ՀՆՄ Գարնանային Հանրապետական Ցոյցահանդէս, Երեւան,

2019թ.ՀՆՄ Աշխարհի Հայ Նկարիչների միութեան կողմից կազմակերպուած՝ սիրոյ արագահոս բարեխօս Սուրբ Սարգսի տօնին նուիրուած մրցոյթ-ցոյցահանդէս, Երեւան,

2019թ.Անկախութեան տօնին նուիրուած ցոյցահանդէս, Գիւմրի,

2019թ. «ՆՈՐ ՁԵՌՔԵՐ» Մրցոյթ-Փառատօն, Երեւան,

2020թ. «Սէր եւ պատերազմ» Մէգամոլ Արմէնիայ, Երեւան,

2021թ. Հայաստանի Նկարիչների միութիւն Ստեղծագործութիւների «Գունեղ Զարթօնք» Քաղաքապետարանի ցոյցասրահ, Գիւմրի:

Գերյ. Հայր Գառնիկ Ծ. Վրդ. Յովսէփեան

Փանիկի Սուրբ Աստուածածին Հայ Կաթողիկէ Եկեղեցւոյ Ժողովրդապետ,

Հայաստանի Հայ Կաթողիկէ Երիտասարդաց միութեան նախագահ