• Արևիկում ևս գոհաբանական Սբ. Պատարագ մատուցվեց՝ ի հիշատակ Սրբուհի Մայր Թերեզայի

    Սերն օրեցօր, մինչեւ մեր մահ, պետք է այնքան սովորական լինի մեզ համար, որքան ապրելն ու շնչելը. Մայր Թերեզա:


     

    «Շատ տառապանքներ կան այսաշխարհումշատշատՆյութական տառապանքըսովիանտունությանբոլոր տեսակի հիվանդություններից տառապանքը… Բայց ես դեռևս մտածում եմոր մեծագույն տառապանքը մենակ լինելն էչսիրված եւ ոչ ոք չունենալու զգացողությունըԵս արդեն հասել եմ այն գիտակցությանըոր անցանկալի լինելը ամենավատ  հիվանդությունն էոր մարդը կարող է երբևիցե ունենալ».այս համոզմամբ էր ապրում բոլորի կողմից սիրված ու իր կյանքը  համայն մարդկությանը նվիրած Սրբուհի Մայր Թերեզան, մի կին, ով իր կյանքը նվիրեց` կարոտյալներին  օգնելուն:

     

    «Արմատներով եւ արյունով ալբանացի եմՔաղաքացիությամբ  հնդիկ եմԿաթողիկէ միանձնուհի եմԿոչումով պատկանում եմ ամբողջ  աշխարհինՍրտով ամբողջությամբ պատկանում եմ Հիսուսի սրտին»,- այսպես էր իրեն ներկայացնում Մայր Թերեզան:

     

    Ինչպես արդեն հայտնի է, 2016թ.սեպտեմբերի 4-ին, կաթողիկէ միանձնուհի, Գթության միսիոներների միաբանության հիմնադիր,  Մայր Թերեզա Կալկաթացին դասվել է Կաթողիկէ Եկեղեցու սրբերի շարքը: Սրբադասման արարողությունը տեղի է ունեցել Վատիկանում՝ Սուրբ Պետրոսի հրապարակում տոնական Սբ. Պատարագի ժամանակ՝ նախագահությամբ Նորին Սրբություն Ֆրանցիսկոս Սրբազան Քահանայապետի, մասնակցությամբ հազարավոր հավատացյալների:

     

    14593611_942307505881137_1893442541_n

    Հայաստանում ծառայող Գթության քույրերը խնդրում են տարբեր կաթողիկէ համայնքների հոգևորականներին գոհաբանական Սբ. Պատարագ մատուցել՝ ի հիշատակ Սրբուհի Թերեզայի: Գյումրիից և Փանիկից հետո քույրերը հոկտեմբերի 9-ին Շիրակի մարզի Արևիկի Սուրբ Գրիգոր Լուսավորիչ եկեղեցում էին: Սբ. Պատարագը մատուցվեց ձեռամբ գյուղի հոգևոր հովիվ Տեր Նարեկ քահանա Թադևոսյանի: Մայր Թերեզայի գործունեության մասին խոսելիս նա նշեց, որ այն օրինակ է լինելու ցանկացած քրիստոնյայի համար:

     

    «Սիրելի հավատացյալնե՛ր, առանց նվիրումի ոչ մի բարի գործ անել հնարավոր չէ, ցանկացած օգտակար  գործի հետևում քեզ նեղություն տալու գիտակցումը պետք է լինի: Մայր Թերեզան իր ապրած կյանքով օրինակ պետք է լինի աստվածահաճո գործ կատարել ցանկացողի համար: Խնդրենք Սրբուհի Մայր Թերեզայի բարեխոսությունը, որ աշխարհում շատանա սերը: Այսօր այդ նույն սիրո պակասն է աշխարհը լցրել չարությամբ, երբ սառնասրտորեն կարող են պատերազմել ու խլել բազմաթիվ անմեղ կյանքեր»,-նշեց պատարագիչ քահանան:

    14628022_942306902547864_544774030_n

    Սբ. Պատարագի ավարտին եկեղեցում ցուցադրվեց փաստագրական ֆիլմ, որում հնարավորինս ներկայացված էր Մայր Թերեզայի կյանքն ու գործունեությունը: Ֆիլմի առանցքը հյուսված էր մայր Թերեզայի հետևյալ համոզմունքի շուրջ. «Սերն օրեցօրմինչեւ մեր մահպետք է այնքան սովորական լինի մեզ համար, որքան ապրելն ու շնչելը»:

     

    Աննման Մինասյան

Օրացույց

Օրացույց