• Սբ. Խորանի սպասավորների համար «Աղաջանյան» ճամբարում կազմակերպվեց եռօրյա դասընթաց

    «…Աստուած մեզ երկչոտութեան ոգի չտուեց, այլ՝ զօրութեան, սիրոյ եւ զգաստութեան: Ուստի ամօթ մի՛ համարիր վկայել մեր Տիրոջը…այլ մասնակից եղի՛ր Ավետարանի համար եղած չարչարանքներին, զօրութեամբ Աստծու…», Բ Տիմ., 1:6-9:


    27 օգոստոսի, 2015թ.

    2015թ. օգոստոսի 24-26-ը Սբ. Խորանի սպասավորների համար «Աղաջանյան» ճամբարում կազմակերպվեց եռօրյա հոգևոր դասընթաց և հանգիստ: Դասընթացին մասնակցեց 33 սպասավոր Շիրակի մարզի և Ջավախքի կաթողիկէ համայնքներից (Գյումրի, Ազատան, Փանիկ, Մեծ Սեպասար, Ղազանչի, Բավրա, Ջավախքի Բավրա):

     

    Գերպ. Հ. Պետրոս վրդ. Եսայանը, Գերպ. Հ. Գառնիկ վրդ. Հովսեփյանը, Գերպ. Հ. Ռաֆայել վրդ. Կրավչիկը, Արժ. Տ. Գրիգոր ավ. քհն. Մկրտչյանը, Արժ. Տ. Նարեկ քհն. Թադևոսյանը երեք օրերի ընթացքում ոչ միայն դասեր էին անցակցնում էին սպասավորների հետ, այլև նրանց համար հետաքրքիր ժամանց ու հանգիստ կազմակերպում, մատուցում Սբ. Պատարագ և խոստովանություն ընդունում:

     

    Դասընթացի նպատակը պատանի սպասավորների գիտելիքների զարգացումն էր՝ Սբ. Պատարագի խորհրդի և ծիսակատարության մասին, նրանց հոգևոր ներքին աճմանը նպաստելը, նրանց սրտերում հոգևոր ծառայության նկատմամբ խանդավառություն արթնացնելը, որպեսզի, Աստծո օգնությամբ, ոմանք մի օր սկսեն մտածել նաև քահանայական ծառայության մասին: Քահանաները նրանց սովորեցնում էին ճշգրիտ և գեղեցիկ կատարել Սբ. Խորանի սպասավորությունը, խնկարկել, կատարել աղոթքները, երգել շարականները, ճիշտ կեցվածք ունենալ ծիսակատարության ժամանակ՝ հասկանալով յուրաքանչյուր շարժման, աղոթքի և քայլի իմաստն ու կարևորությունը:

     

    11923201_935019519870671_442122959665992325_n 11892127_935019883203968_7876207244048061670_n

    Հոգևորականները սպասավորների հետ զրուցում էին Աստծուն ծառայելու մասին՝ բացատրելով սպասավորության կարևորությունն ու պատիվը, զրուցում էին Քրիստոսի զինվոր լինելու առաքելության մասին, ընկերասիրության մասին, անձնազոհության մասին՝ հանուն Քրիստոսի և ընկերոջ, լավ զավակներ ու բարեպաշտ հավատացյալներ, պարտաճանաչ քաղաքացիներ լինելու կարևորության մասին: Սպասավորները մի ֆիլմ դիտեցին Մեքսիկայում 1920-ականներին «Քրիստոսի զինվորների» մղած պատերազմի ժամանակ Սբ. Խորանի մի նվիրյալ սպասավորի ինքնազոհության մասին:

     

    Դասընթացի երկրորդ օրը եղանակը բարեհաճ գտնվեց և կազմակերպիչներին հնարավորություն ընձեռեց սպասավորների համար հանգիստ կազմակերպելու Սևանա լճի ափին՝ մի գեղեցիկ վայրում, որտեղ իրենց մեկշաբաթյա հանգիստն էին անկացնում «Հավատ և լույս» համայնքի սահմանափակ կարողություններով երեխաները: Սպասավորները, լճում լողալուց բացի, նաև այդ երեխաների հետ շփվելու գեղեցիկ առիթ ունեցան: Հանգիստն ուղեկցվում էր Վարդարանի աղոթքով, հայրենասիրական երգերով, ուրախ խաղերով:

     

    11892177_934687143237242_7550767490541671431_n 11225349_934687836570506_955309233982239193_n

     

    Դասընթացի վերջին օրը սպասավորների համար մի փոքրիկ համերգային ծրագիր կազմակերպեցին Աղաջանյան ճամբարում հանգստացող «Վերածնունդ» միջազգային երաժշտական փառատոնի մասնակից երիտասարդները՝ երգերով, գործիքային կատարումներով և պարային համարներով:

     

    11888077_935110139861609_8886495935507241035_n

     

     

     Հոգևորականները կարևորում են նման դասընթացների և հանգիստի կազմակերպումը սպասավորների համար և հուսով են, միջոցների առկայության դեպքում, ավելի հաճախակի և երկար տևողությամբ կազմակերպել դրանք: Այս դասընթացն այս տարի արդեն երկրորդն էր: Առաջինը կազմակերպվեց այս տարվա հունիսին, դարձյալ «Աղաջանյան» ճամբարում:

    11954745_933963619976261_8789253357339642554_n

Օրացույց

Օրացույց