Այսօր՝ հինգշաբթի առավոտյան, Սուրբ Աթոռի մամլո գրասենյակից հայտնում են, որ Քահանայապետը հանդարտ գիշեր է ունեցել և հիմա հանգստանում է: Չորեքշաբթի առավոտյան հայտնվել էր, թե Պապի առողջական վիճակը մնում է կայուն՝ առանց շնչառական նոր դժվարությունների:

Ըստ ծրագրվածի, ապահովվել է թթվածնային լրացուցիչ հոսք: Ավելացվել է նրա շնչառական և շարժողական ֆիզիոթերապիայի բուժումը: Օրն անցկացրել է իր անվասայլակին նստած:

Չորեքշաբթի առավոտյան Նորին Սրբությունը մասնակցել է մոխրոց օրհնության արարողությանը, ծիսակատար քահանան մոխիր է դրել նրա վրա, որից հետո Պապը ստացել է Սուրբ Հաղորդություն:

Աղոթքից հետո առավոտյան Քահանայապետը հանդիպման է հրավիրել Գազայի Սուրբ Ընտանեաց Եկեղեցու հոգևոր հովիվ Հայր Գաբրիել Ռոմանելլիին:

Օրվա ընթացքում նա մի քիչ աշխատել է և պարբերաբար հանգստացել:

Հիշեցնենք, որ Քահանայապետը Հռոմի Ջեմելլի հիվանդանոց է տեղափոխվել 2025թ. փոտրվարի 14-ին: Նա ստանում է երկկողմանի թոքաբորբի համար նախատեսված բուժումը և ունի լավ տրամադրություն: Ընդհանուր առմամբ, բժիշկները դեռևս զգուշավոր են իրենց գնահատականների մեջ:

Հայ Կաթողիկէ հոգևոր դասը և ժողովուրդը ևս շարունակում են աղոթել Ն.Ս. Ֆրանցիսկոս Պապի առողջության համար՝ Սուրբ Պատարագներ մատուցելով նրա դիտավորությամբ:

Աղբյուրը՝ Vatican News, English section

Դիվան Առաջնորդության Կաթողիկէ Հայոց

6 մարտի, 2025թ.