Սրբուհի Ռիթա, օգնական հիվանդաց, բարեխոսի՛ր Սուրբ Պետրոսի հաջորդի համար:
Սուրբ Աթոռի մամլո գրասենյակը այսօր՝ հինգշաբթի առավոտյան հայտնում է, որ Ն. Ս. Ֆրանցիսկոս Պապը գիշերը քնել է հանգիստ և առավոտյան մի մասն անցկացրել է հանգստյան մեջ:
Չորեքշաբթի երեկոյան հայտնվել էր, որ Պապի առողջական վիճակը փոքր-ինչ բարելավվել էր նախորդ 24 ժամերի ընթացքում:
«Երիկամի թեթև անբավարարությունը, որը նկատվել էր վերջին օրերին, նահանջել է», ինչպես հայտնվում էր հաղորդագրության մեջ: «Կրծքավանդակի փոտրվարի 25-ի սքանավորումը ցույց էր տվել, որ թոքերի վիճակը բավարար է: Արյան ստուգումները ևս ունեն բարելավման ցուցանիշներ»:
Պապը մնում է թթվածային առատ հոսքային թերապիայի մեջ, բայց չորեքշաբթի օրվա տվյալներով, չի ունեցել ասթմայատիպ շնչառական ճգնաժամ:
Ըստ Սուրբ Աթոռի մամլո հաղորդագրության, Նորին Սրբության առողջական վիճակը գնահատվում է «զգուշավոր»:
Պապը Հռոմի Ջեմելլի հիվանդանոց ընդունվեց փետրվարի 14-ին՝ բրոնխիտով, որին հետագայում ավելացավ երկկողմանի թոքաբորբը:
Աղոթենք Նորին Սրբության առողջության համար, թող Ամենակալն Աստված Իր Ամենազոր Աջի ներքո պահի Սրբազան Պապին և առողջություն շնորհի՝ Քրիստոսի Եկեղեցին առաջնորդելու համար:
27.02.2025թ.
Աղբյուրը՝ Vatican News
Տ. Հովսեփ քհն. Գալստյան
Դիվան Առաջնորդության