- Արհի. Տեր Գևորգ Արքեպս. Նորատունկյան
Տիտղոսավոր Արքեպիսկոպոս Սեբաստիո Հայոց
Առաջնորդ Հայաստանի, Վրաստանի, Ռուսաստանի, Ուկրաինայի և Արևելյան Եվրոպայի Կաթողիկէ ՀայոցԾնվել է 1968թ. նոյեմբերի 16-ին, Սիրիայի Հալեպ քաղաքում:Ավազանի անունով Դնկայե Ջորջ Միշելի:1984թ. տասնվեց տարեկան հասակում, մեկնել է Լիբանան՝ շարունակելու համար իր բարձրագույն ուսումը՝ Զմմառի Պատրիարքական Կղերի Միաբանության «Տիրամոր Վերափոխում» վանքի մեջ:1987թ. տեղափոխվել է Հռոմ՝ շարունակելու իմաստասիրության և աստվածաբանության ուսումները։1990թ. ավարտելով ուսումը Դոմինիկյան Հայրերի «Սուրբ Թովմաս Աքվինացի» համալսարանում՝ ստացել է իմաստասիրության բակալավրի աստիճան:1993թ. Հռոմի Հիսուսյան Հայրերի «Գրիգորյան» համալսարանում ստացել է աստվածաբանության բակալավրի աստիճան:1995թ. օգոստոսի 20-ին Հալեպում Գևորգ Նորատունկյանին շնորհվել է քահանայական ձեռնադրություն և անդամակցություն՝ Զմմառի Պատրիարքական կղերի միաբանությանը։1997թ. Հռոմի Սալեզյան Հայրերի համալսարանում ստացել է մանկավարժության մասնագիտության («Science de l’éducation») վկայական:1997-1998թթ. ստանձնել է Սուրբ Միքայել Դպրեվանքի փոխտեսուչի պաշտոնը:
1998-1999թթ., որպես փոխժողովրդապետ, ծառայել է Բուրջ Համուդի Սուրբ Փրկիչ Եկեղեցում:
1999-2001թթ. եղել է Սուրբ Վարդանանց նորընծայարանի տեսուչ-մեծավոր:
2001-2007թթ. եղել է Զմմառի Պատրիարքական կղերի միաբանության դպրեվանքի Տեսուչ և Ընդհանուր Մատակարար, Անարատ Հղության Քույրերի Միաբանության երկրորդական վարժարանի ուսուցիչ:
2003-2007թթ. Զմմառի Միաբանության Ընդհանուր Մատակարար:
2007-2010թթ. փոխադրվելով Մոսկվա՝ ծառայել է որպես Հայ Կաթողիկէ համայնքի ժողովրդապետ:
2010-2015թթ. վարել է Հռոմի Լևոնյան Քահանայապետական Վարժարանի Մեծավորի պաշտոնը, ինչպես նաև եղել է Վատիկանում Հայ Կաթողիկէ Եկեղեցու Պատրիարքական փոխանորդ:
2013-2015թթ. նաև պաշտոնավարել է որպես Երուսաղեմի և Ամմանի Հայ Կաթողիկէ Պատրիարքական Էկզարքության Առաքելական Կառավարիչ:
Նշանակվել է Փոխհայցարկու Սուրբ Գրիգոր Նարեկացի «Եկեղեցու Վարդապետ» հռչակման դատական հանձնախմբի մեջ:
2015-2023թթ. ծառայել է որպես Ֆրանսիայի Լիոն քաղաքի Հայ Կաթողիկէ Եկեղեցու ժողովրդապետ:
Փոխհայցարկու է եղել նաև «Մարթա Շամբոն»-ի սրբադասման համար դատական հանձնախմբի մեջ:
2023թ. օգոստոսի 18-ին, Զմմառի Պատրիարքական Կղերի միաբանության ընդհանուր ժողովի կողմից ընտրվել է Զմմառի Պատրիարքական Կղերի Միաբանության Փոխանորդ և Զմմառի Վանքի Մեծավոր։
2024թ. օգոստոսի 19-ին Նորին Սրբություն Ֆրանցիսկոս Սրբազան Քահանայապետի հրամանով Գերհ. Հայր Գևորգ Թ. Ծ. Վ. Նորատունկյանը նշանակվել է Առաջնորդ Հայաստանի, Վրաստանի, Ռուսաստանի, Ուկրաինայի և Արևելյան Եվրոպայի Կաթողիկէ Հայոց, ստանալով Սեբաստիայի Հայերի Արքեպիսկոպոսական Աթոռը՝ Արքեպիսկոպոսի տիտղոսով:
Ունի ևս երկու համալսարանական վկայականներ՝ նվիրյալ կյանքի կոչումների կազմավորման մասնագիտությամբ (Հռոմ, 2012թ.) և Սրբերի Դատի ժողովի մեջ՝ որպես հայցարկու։Տիրապետում է հայերեն, արաբերեն, իտալերեն, ֆրանսերեն լեզուների: Հմտություններ ունի նաև ռուսերեն և անգլերեն լեզուների ընկալման և գործածության։
Օրացույց
