• «Տնային խնամք» ծրագրի շրջանակներում Գավառում տեղի ունեցավ կլոր-սեղան քննարկում

    Կարիքավոր տարեցների հիմնախնդիրները մշտապես եղել են «Հայկական Կարիտաս»-ի գործունեության կիզակետում


    Սույն թվականի Նոյեմբերի 30-ին  «Տնային խնամք» ծրագրի շրջանակներում Գավառում տեղի  ունեցավ  կլոր-սեղան քննարկում։  Քննարկմանը հրավիրված էին տեղական իշխանությունների ներկայուցիչներ, ՀԿ-ներ, ԶԼՄ-ներ։ Կլոր-սեղան քննարկման թեման էր «Տարեցների խնամքը ՀՀ-ում»։

     

    «Հայկական Կարիտաս»-ի Շահերի Պաշտպանության պատասխանատու Տիգրան Պետրոսյանը ներկայացրեց «Հայկական Կարիտաս»-ի մոտեցումը տարեցների խնամքի վերաբերյալ, ինչպես նաեւ «Հայկական Կարիտաս»-ի նվաճումները Տարեցների խնամքի բնակավառում։15304362_10155266954102080_4723712551756629156_o

     

    «Համընդհանուր Տնային խնամք»  ծրագրի ղեկավար Ֆլորա Սարգսյանը խոսեց տարեցների խնամքի ընթացակարգերի եւ խնամքի համար պահանջվող նվազագույն չափորոշիչների վերաբերյալ՝ ընդունված ՀՀ Աշխատանքի եւ սոցիալական հարցերի նախարարության կողմից։ Բոլոր մասնակիցներն ակտիվորեն ներգրավված էին քննարկմանը եւ փոխանակվում էին գաղափարներով։

     

    Նշենք, որ կարիքավոր տարեցների հիմնախնդիրները մշտապես եղել են «Հայկական Կարիտաս»-ի գործունեության կիզակետում:  2002-2009թթ. ծրագիրը զարգացրել է իր գործունեությունը` 50 հոգուց շահառուների թիվը հասցնելով 360-ի, Գյումրիից բացի ներառելով Վանաձոր եւ Գավառ քաղաքները, իսկ 2016թ․ հոկտեմբերից նաեւ Արտաշատ քաղաքը, ծառայությունների ցանկը միայն սնունդ տրամադրելուց վերածելով բազմապրոֆիլ աջակցության: «Հայկական Կարիտաս»-ի շահառուներն այս ծրագրում 65-ն անց տարեցներն են, ովքեր ապրում են միայնակ, չունեն մոտ բնակվող հարազատներ եւ տնային պայմաններում խնամքի խիստ կարիք ունեն: Նրանք կարիքավորության բարձր աստիճան ունեն` ապրում են կենցաղային վատ պայմաններում, բացի կենսաթոշակից եկամուտի այլ աղբյուր չունեն:

    SONY DSC
    Կարիքավոր 360 տարեցները ստանում են մշտական խնամք, եւ միաժամանակ նրանց տրամադրվում է բժշկական ծառայություններ ու տեղեկատվություն, խնամքի ու առողջապահական պրոֆիլակտիկայի մասին խորհրդատվություն: Կամավորների միջոցով նաեւ տրամադրվում է սոցիալական աջակցություն շահառուներին: Ծրագրի շրջանակներում նրանք ապահովվում են անհրաժեշտ աջակցող եւ վերականգնող պարագաներով` ձեռնափայտերով, քայլակներով, պարանոցի ձգափոկերով, շրջանաձեւ բարձերով, տեղափոխվող նստակոնքերով, հակապարկելահարուքային պարագաներով:
    Քաղաքացիական իրավունքների պաշտպանության համար տարեց շահառուներին տրամադրվում է աջակցություն փաստաթղթերի հավաքման հարցում /թոշակ, սոցիալական նպաստներ, նոր բնակարան ստանալու դիմում, վերանորոգման դիմում, էլեկտրոէներգիայի եւ գազի մատակարարաման միացում, օժանդակություն իրավաբանական խնդիրների լուծման համար/: cer3
    Ոլորտի կարեւոր դերակատարներից կազմված աշխատանքային խումբը մշտական հանդիպումներ է ունենում առողջապահական եւ սոցիալական պետական կառույցների հետ տեղական, մարզային ու հանրապետական մակարդակի վրա` գործընկերների թիվը մեծացնելու համար: Իրավունքների եւ շահերի պաշտպանության գործողություններ են իրականացվում` նպաստելով սոցիալական, առողջապահական եւ կենսական պայմանների բարելավվմանը: Հանրայնացման միջոցառումներ, հանդիպումներ, կլոր սեղան- քննարկումներ, համաժողովներ են իրականացվում տնային խնամքով եւ տարեցների հիմնախնդիրներով զբաղվող այլ կառույցների եւ տեղական հասարակական կազմակերպությունների հետ համատեղ:
    Նորացված ծրագիրը իր մեջ ներառել է նաեւ տարեցների ժամանցի կազմակերպման որոշակի միջոցառումներ, որոնք կնպաստեն արտաքին աշխարհի հետ շփման մեծացմանը:

     

    Աննման Մինասյան

Օրացույց

Օրացույց


Recent Comments