• Զատկական Սբ. Պատարագը Գյումրիում մատուցեց Արհ. Տ. Ռաֆայել արքեպս. Մինասյանը

    «Քրիստոս յարեաւ ի մեռելոց.օրհնեալ է Յարութիւնն Քրիստոսի»:


    Ավագ Շաբաթվա երեկոյան  բոլոր եկեղեցիներում բացվեցին խորանների վարագույրները, մատուցվեց Ճրագալույցի Սուրբ Պատարագ`ազդարարելով Փրկչի հրաշափառ Հարության ավետիսը, իսկ կիրակի օրը մեծ շուքով մատուցվեց Հարության Սուրբ Պատարագը:

     

    Գյումրիի Սրբոց Նահատակաց Կաթողիկէ աթոռանիստ տաճարում մարտի 26-ի երեկոյան  նախատոնակը սկսվեց երեկոյան ժամերգությամբ, որի ընթացքում եկեղեցու  սպասավորները ընթերցեցին հատվածներ  Սուրբ Գրքից` արարչագործության պատմությունը, Աբրահամի հավատարմության պատմությունը, մարգարեություններ: Ընթերցումները եզրափակվեցին Դանիելի մարգարեության այն հատվածով, որտեղ պատմվում է երեք մանկանց կրակի ճիրաններից Աստծո զորությամբ փրկվելու մասին: Երեք մանուկները քաջությամբ դավանեցին Աստծո հանդեպ իրենց հավատքն ու վստահությունը, որոնք օրինակ են յուրաքանչյուրիս, որպեսզի հաստատուն  մնանք մեր հավատքի մեջ ու հավատարմորեն կատարենք Աստծո պատվիրանները:

    DSC00740 DSC00737

     

    Ընթերցված բոլոր հատվածները հավատացյալներին պատրաստում են ընկալելու Հիսուս Քրիստոսի միջոցով մեղքի գերությունից ազատագրվելու և Սուրբ Հարությամբ նոր կյանք սկսելու խորհուրդները:

     

    Ճրագալույցի Սուրբ Պատարագը մատուցեց Տեր Գրիգոր ավ. Քհն. Մկրտչյանը: Նա իր քարոզում հավատացյալների ուշադրությունը հրավիրեց Հիսուս Քրիստոսի հրաշքների, չարչարանքների  ու խաչելության խորհուրդների վրա.   DSC00771

     

    «Սիրելի հավատացյալներ,  Հիսուսն ասում է.«Ես ձեզ հետ եմ մինչև աշխարհի վախճանը»: Երբ Հիսուսը հանդիպում է  իր առաքյալներին, առաջին բանը, որ Նա անում է` խաղաղություն է տալիս: Մտնում և ասում է. «Խաղաղություն ամենեցուն…Ես իմ խաղաղությունն եմ տալիս ձեզ»` բոլորիդ: Այն խաղաղությունը, որ պետք է տիրի Ձեր սրտերում և ձեր հոգիներում, որպեսզի դուք չտրտմեք և սպասեք այն ժամին, երբ ես գամ ձեր մեջ, որպեսզի այդ խաղաղությունը ձեր մեջ լիարժեք լինի: Մի՛ վախեցեք, Ավետարանի մեջ շատ անգամ Հիսուսն ասում է  իր աշակերտներին, մարդկանց, մի վախեցեք, որովհետև ես ձեզ հետ եմ: Նույն խոսքերը այսօր Հարություն առած Քրիստոսը ասում է. «Մի՛ վախեցեք, որովհետև ես ձեզ հետ եմ»: Ավագ շաբաթվա ընթացքը, որ մենք միասին անցանք և տեսանք նաև դավաճանություն Քրիստոսի հանդեպ, ատելություն Իր հանդեպ, մատնություն խաչելություն, թաղում, և սակայն, Հիսուսն ասում է. «Հայր ներիր նրանց, որովհետև նրանք չգիտեն, թե ինչ են անում»:

     

    Ճրագալույցի երեկոյից սկսած առաջիկա հիսուն օրերին  քրիստոնյաները միմյանց ողջունում են «Քրիստոս հարեաւ ի մեռելոց» ավետիսով և ստանում  «Օրհնեալ է Յարութիւնն Քրիստոսի» պատասխանը:

     

    DSC00809 DSC00830

     

    Ղուկաս ավետարանիչը գրում է, որ կիրակի առավոտյան, յուղաբեր կանայք` Մարիամ Մագդաղենացին, Հակոբի մայր Մարիամը եւ Սողոմեն, գնացին գերեզման՝ անուշաբույր յուղերով օծելու Քրիստոսի մարմինը, սակայն զարմանքով տեսան, որ քարայրի մուտքի քարը հեռացված է, իսկ գերեզմանը` թափուր: Մինչ նրանք տարակուսում էին, երևացին երկու հրեշտակ և ասացին. «Ինչո՞ւ էք ողջին մեռելների մեջ փնտրում: Այստեղ չէ, այլ հարեաւ» (Ղուկ. 24:5-6):

     

    Հարության լուրը կանայք ավետեցին առաքյալներին, որից հետո Հիսուսը երևաց նրանց: Քրիստոսի Հարությունը քրիստոնեական վարդապետության և հավատի հիմքն է: «Եթե մեռելների հարություն չկա, ապա և Քրիստոս հարություն չի առել: Եվ եթե Քրիստոս Հարություն չի առել, իզուր է մեր քարոզությունը, իզուր է և ձեր հավատը» (Ա Կորնթ. 15:13-14):

     

    Գյումրիի Սրբոց Նահատակաց առաջնորդանիստ եկեղեցում Սուրբ  և Անմահ պատարագը մատուցեց  Արհ. Տ. Ռաֆայել արքեպս. Մինասյանը,  առընթերակայությամբ  Տեր Գրիգոր ավ. քհն. Մկտչյանի.

    Քարոզի ընթացքում Սրբազան Հայրն իր խոսքն ուղղելով ներկաներին՝ ասաց հետևյալը. 12718103_929401317167099_5617336991800744640_n

     

    «Սիրելի քույրեր և եղբայրներ: Այս է ուրախությունը` Մարիամ Մագդեղանացին և երկու կանայք գնացին դեպի գերեզմանատուն  և տեսան, որ գերեզմանը բաց է: Հին Կտակարանում Աստված կանչեց Մովսեսին դեպի Սինա լեռը և ուխտ կնքեց նրա հետ և իրեն մի վստահություն տվեց` ասելով, թե հրաշալիքներ պետք է տեսնեք, եթե հավատարիմ մնաք  ինձ: Եթե ձեր զավակները,  եթե ձեր բոլոր գերդաստանը և սերունդները հավատարիմ մնան ինձ, հրաշալիքները պիտի շարունակեն տեսնել: Իսկ եթե ոչ, ապա պիտի մեռնեն, պիտի մահանան: Քրիստոս, սակայն իր մահով փոխեց ամբողջ այդ ուխտը, և Իր մահով հաղթեց մահվանը: Եվ մեզ ուրիշ ապահովություն տվեց, որը շարունակությունն  է առաջին ուխտի. «Նրանք, ովքեր պետք է հավատարիմ մնան ինձ, նրանք, որ պետք է հավատան և իրենց հավատքի մեջ պիտի ամուր մնան` նրանք երկրային կյանքից հետո հարություն պիտի առնեն:

     

    Ուզում եմ օգտվել առիթից և ուրիշ մոտեցումով ասել, որ մենք կարող ենք Հարություն առնել ամեն օր: Ինչպես. երբ ես ունենամ մեղքից դուրս գալու զգացողությունը, երբ զղջամ, խոստովանեմ.ես Հարությում եմ առնում: Արդ, ամեն անգամ, որ ես այս վիճակի մեջ` մեղավորի վիճակի մեջ մնամ, հույսը չեմ ունենա Հարության: Այսօր մենք` հավատացյալներս ի Քրիստոս ունենք մի հույս, որը մեզ տրված է Քրիստոսի Հարությամբ: Ով որ ինձ հավատա և ինձ հավատարիմ մնա, պետք է տեղ ունանա իմ հոր մոտ, ով այս երկրից չէ, այլ երկնքի արքայության մեջ է…

    12472470_929401330500431_376118113795719875_n 12804869_929402670500297_1916788163018846821_n

    Այս ուրախությունը, որին այսօր պետք է մեր սրտերում անդրադառնանք և ինքներս մեզ հարցնենք`ով եմ ես, ինչ եմ ուզում:  Բավարար չէ գնալ միայն եկեղեցի, Պատարագին ներկա գտնվել և ապրել լրիվ տարբեր` ոչ քրիստոնյա կյանքով…

    Ես չեմ ուզում, որ եթե այսօր ուրախ ենք, խանդավառ ենք Քրիստոսի Հարությամբ, տոնում ենք լավ ճաշերով, պտույտներով, իսկ վաղը նորից շարունակենք ապրել մեղքի մեջ…

    947007_929404840500080_2741299779455658466_n

    Հետևաբար մնանք ուրախ, խանդավառ, Քրիստոսի և Աստուծո պատվիրանների մեջ միշտ հավատարիմ: ԱՄԵՆ:

     

    Յավարտ Սուրբ Պատարագի, Սրբոց Նահատակաց եկեղեցու Տեր-Ներսեսյան սրահում Երիտասարդաց միությունը և Տիկնանց միությունը կազմակերպեցին հյուրասիրություն և երգուպարով ապահովեցին ուրախ տրամադրություն:

     

     

     

    Լիլիթ Մկրտչյան

     

    Այլ համայնքներում

    Հեշտիա

     

    1933363_1819328171628067_2156799648833780019_o 12513945_1819328174961400_6131335639634899988_o

     

    Փանիկ

     

    12923384_1042799362426019_929859640181316999_n 12439196_1042799479092674_7785207086885497347_n

     

    Տաշիր

    12513712_837081803063094_6989669553622084480_o 12378089_1595589297426652_1990893698068491838_o

     

    Ազատան, Լանջիկ, Արևիկ

     

    12901118_643096669163116_3687835649437264066_o 12891033_643112062494910_3248390851732666105_o 12888729_837072063064068_7715713164531498482_o 12377783_643094549163328_4656938598773174977_o

     

     

Օրացույց

Օրացույց


Recent Comments