• Հոգևոր կրթություն Ազատանի հայ կաթողիկէ համայնքում

    Մեծ Պահոց շրջանում հայ կաթողիկէ համայքներում կազմակերպվում են հոգևոր կրթության օրեր


     19 մարտի, 2016 թ․

    2016 թ․ մարտի 17-ին  «Մեծ պահքի խորհուրդը» թեմայով մեկօրյա հոգևոր կրթություն է կազմակերպվել Շիրակի մարզի Ազատան գյուղի  մշակույթի տանը՝ բարձր դասարանների աշակերտների համար՝ նախաձեռնությամբ Արժ․ Տեր Նարեկ քհն․ Թադևոսյանի։

     

    Արժ․ Տեր Նարեկ քհն․ Թադևոսյանը ներկայացրել է Եկեղեցու յոթ խորհրդները՝ նախ անդրադարձ կատարելով Սուրբ Հաղորդությանը։

     

    «Սուրբ Հաղորդությունը Եկեղեցու յոթ խորհուրդներից է, որը մատակարարվում է Մկրտությունից և Դրոշմից հետո ։  Սուրբ Հաղորդություն ստացողը հացի և գինու տեսքով ստանում է Հիսուս Քրիստոսի Մարմինն ու Արյունը ։ Վերջին Ընթրիքի  ժամանակ նա վերցրեց հացը, կտրեց ու տվեց իր աշակերտներին՝ ասելով․«Առե՛ք , կերե՛ք, սա իմ Մարմինն է »։  Այդ վայրկյանից հացը դադարեց հաց լինելուց և վերածվեց  Քրիստոսի Մարմնի ։ Մարդկայնորեն անըմբռնելի և անհավատալի է, բայց հավատացյալ քրիստոնյաների համար դա մեծ ճշմարություն է ։ Նույն ընթրիքի ժամանակ Հիսուսը, վերցնելով բաժակը , որի մեջ սովորական գինի էր, տվեց իր աշակերտներին՝ ասելով․ «Խմեցե՛ք սրանից բոլորդ, սա իմ Արյունն է, որի միջոցով Նոր Ուխտ պիտի կնքվի Աստծո հետ և որ պիտի թափվի շատերի մեղքերի թողության համար »։ Այդ վայրկյանին գինին դադարում է սովորական գինի լինելուց և դառնում է Հիսուս Քրիստոսի Ճշմարիտ արյունը » ։

     

    Իր միտքը շարունակելով՝ Տեր Նարեկ Թադևոսյանը բացատրել է, թե  ինչպիսի ազդեցություն է ունենում Սուրբ Հաղորդությունը մարդու վրա, ինչ է պահանջվում արժանավայել հաղորդության համար, ինչպես պետք է հաղորդվել և որքան հաճախ պետք է ընդունել Սուրբ Հաղորդությունը ։

     

    Ապա Տեր Նարեկ Թադևոսյանը ներկայացրել է, թե ինչ է Սուրբ Խորհուրդը․« Դա Քրիստոսի կողմից հաստատված տեսանելի մի նշան է, որը մեզ պարգևում է անտեսանելի և հոգևոր շնորհներ ։ Հիսուս Քրիստոսը հաստատել է յոթ Սուրբ Խորհուրդները՝ Մկրտություն, Դրոշմ , Սուրբ Հաղորդություն, Ապաշխարհություն, Կարգ Քահանայության, Պսակ, Հիվանդների օծում։ Երկնքի Արքայությանը մենք հասնում ենք հիմնականում Սուրբ Խորհուրդների և աղօթքի միջոցով ։

     

    Տեր Նարեկ քհն Թադևոսյանը աշակերտների ուշադրությունն է հրավիրել նաև Ապաշխարության խորհրդի, մեղքի հասկացողության, ինչպես նաև տասնաբանյա պատվիրանների ու Եկեղեցու հինգ պատվիրանների վրա։

     

     

    11416377_638334366306013_2149684411473131116_o (1) 12828534_638334526305997_4344202230193960882_o

     

     

     

Օրացույց

Օրացույց


Recent Comments