• Բոլորի համար էլ սնունդ կա, բայց ոչ բոլորն են ուտում.«առատության պարադոքսը»

    Բոլորի համար էլ սնունդ կա, բայց ոչ բոլորն են ուտում.«առատության պարադոքսը»


     Ինչպես տեղեկացնում է Zenit լրատվական գործակալությունը, նոյեմբերի 20-ին Սրբազան Քահանայապետը խոսել է սննդի անհավասարաչափ բաշխման, սովի և աղքատության մասին՝ ՄԱԿ-ի Սննդի և գյուղատնտեսության կազմակերպության նախաձեռնած սննդի վերաբերյալ միջազգային մի խորհրդաժողովի ժամանակ: Նա խոսել է արդյունավետ միջազգային համագործակցության և նոր ծրագրերի ներդրման անհրաժեշտության մասին, որպեսզի հնարավոր լինի իրապես օգնել լուսանցքում հայտնված սովյալներին ու գործազուրկներին: «Մեր օրերում շատ է խոսվում իրավունքների մասին, իսկ պարտականությունների մասին մոռացվում է…երբ խոսում ենք նոր իրավունքների մասին, սովյալները մնում են փողոցի անկյունում ու խնդրում են, որ իրենց ընդունեն որպես քաղաքացիներ…նրանք խնդրում են արժանապատվություն, ոչ թե ողորմություն: Շուկայական առաջնահերթությունները, տնտեսական շահույթը մեր օրերում ավելի կարևոր են դարձել, քան սովյալը՝ որպես մարդ անհատ». ասել է քահանայապետը: Նորին Սրբությունը հիշեցրել է Հովհաննես Պողոս Բ Քահանայապետի՝ 1992թ. միջազգային հանրությանն ուղղված խոսքերը՝ «առատության պարադոքսի» մասին, այսինքն՝ բոլորի համար էլ սնունդ կա, բայց ոչ բոլորն են ուտում, ուտելիքի վատնումը հարուստ փոքրամասնության կողմից ակնհայտ ու դառն փաստ է: Որպեսզի բոլորը բավարար սնունդ ունենան, հարկավոր է համերաշխություն, սեր, արդարություն, խաղաղություն, ընդգծել է Քահանայապետը և կոչ արել պետություններին ջանք թափել այդ ամենը զարգացնելու ուղղությամբ:

    1495196_858714204139096_3149898211383619260_o 10514419_858715197472330_1489869488780541772_o 10679702_858714154139101_3519446262090703095_o10517404_858714344139082_41952836938297414_o 10557030_858714890805694_6108365636133136102_o 10714482_858715140805669_5941039946137982501_o

    Լուսանկարներն արված են Գյումրիում, 2013թ.՝ «Շիրակ կենտրոն» հկ աշխատակից Նարեկ Թումասյանի կողմից: Շնորհակալություն լուսանկարների համար:

Օրացույց

Օրացույց


Recent Comments