• Գամիշլիում մատուցվել է հոգեհանգստյան Սբ. Պատարագ՝ ի հիշատակ ահաբեկչության զոհերի

    Աղոթե՛նք սիրիական պատերազմի բոլոր զոհերի հոգիների համար:


    Ռադիո  Վատիկանի  տեղեկացմամբ, 2016 թվականի  դեկտեմբեր 4–ին, Սիրիայի  Ջեզիրեի  Հայ կաթողիկէ առաջնորդության Գամիշլիի Սուրբ Յովսեփի անվան ժողովրդապետության մայր տաճարում մատուցվել է  հոգեհանգստյան  Սբ. Պատարագ՝  նախագահությամբ Բեյրութի հայ կաթողիկէ թեմի  պատրիարքական փոխանորդ` Արհ. տ. Գևորգ Եպս. Ասատուրյանի։

     

    Հոգեհանգստյան  արարողությունը  նվիրված  էր  ժողովրդապետության  զավակներ` Ապպուտ Հաժիքիի, Ռամի Թերզիպաշիի եւ Էլի Քասպոյի հիշատակին, որոնք մէկ տարի առաջ  զոհվեցին՝ թիրախ դառնալով  Սիրիայի ահաբեկչական գործողություններին:

     

    Արհիապատիվ  Ասատուրյանը  ցավակցություններ հայտնելով ներկաներին ու ննջեցեալների  ընտանիքի անդամներին՝ հայցեց Աստվածային մխիթարություն  և սփոփանք, նշելով, որ ինքը  չէր ցանկանա  այս այցելությունը կատարել այսպիսի տխուր առիթով, հատկապես, որ իր եպիսկոպոս ձեռնադրվելուց հետո  սա առաջին անգամն էր,  որ իր ծննդավայրի՝ Գամիշլիի ժողովրդապետության մեջ մատուցում է  Սբ. Պատարագի զոհը։

     

    Ասատուրյան Սրբազանը  իր խոսքում  հորդորեց բոլոր ներկաներին  չվհատվել` հակառակ բոլոր դժվարութիւններին,  ու իրենց հույսը միշտ դնելու Աստծո  վրա,  որ ողորմած Հայր  է ու բոլորին բարիք  է ցանկանում։

Օրացույց

Օրացույց


Recent Comments