• Հայ կաթողիկէ եպիսկոպոսների սինոդը ընտրել է նոր եպիսկոպոս

    Գերհ. Հ. Գէորգ ծ.վ. Ասատուրյանի՝ մոտ օրերս կայանալիք եպիսկոպոս ձեռնադրության մասին կտեղեկացնենք առանձին:


    7 սեպտեմբերի, 2015թ.

    Ըստ Հռոմի Սուրբ Աթոռի 2015թ. սեպտեմբերի 5-ի պաշտոնական հայտարարության, Հայ Կաթողիկէ Եկեղեցու սինոդը ընտրել է նոր եպիսկոպոս՝ Գերհ. Հ. Գէորգ ծայրագույն վարդապետ Ասատուրյանին, ով ստանձնելու է Բեյրութի պատրիարքական թեմի օգնական եպիսկոպոսի պաշտոնը՝ որպես Դրան Եպիսկոպոս:

     

    Գերհ. Հ. Գէորգ ծ.վ. Ասատուրյանի կենսագրականը

     

    Ծնվել է 1961թ. ապրիլի 29-ին, Սիրիայում՝ Գամիշլիում:

     

    1972-80թթ. սովորել է Զմմառի վանքի «Սուրբ Միքայել. Նորընծայարանում, 1980-85թթ.՝ Հռոմի դոմինիկյան հայրերի Angelicum համալսարանում, 1985-86թթ. Հռոմի լաթերանյան քահանայապետական համալսարանում մասնագիտացել հովվական աստվածաբանության մեջ:

     

    1986թ. ձեռնադրվել է քահանա և դարձել Զմմառի պատրիարքական կղերի միաբանության անդամ:

     

    Ձեռնադրվելուց անմիջապես հետո նշանակվել է Զմմառի «Սուրբ Միքայել» նորընծայարանի փոխտեսուչ:

     

    1986-2007թթ. վարել է Լիբանանի կաթողիկէ «Եղբայրասիրության ձայն» ռադիոկայանի հայկական բաժինը:

     

    1987թ. նշանակվել է Բեյրութի Սբ. Գրիգոր Լուսավորիչ, Սբ. Եղիա աթոռանիստ եկեղեցու փոխժողովրդապետ և պատրիարքական թեմի ատյանի քարտուղար, պատրիարքարանի ներքին մատակարար:

     

    1988-2007թթ. եղել է Բեյրութի աթոռանիստ եկեղեցու ժողովրդապետը:

     

    1994-2006թթ. վարել է հայ կաթողիկէ պատրիարքական ատյանի դատավորի պաշտոնը, եղել  նաև Լիբանանի Կարիտասի Ժեիթաուի մասնաճյուղի պատասխանատուն:

     

    2007թ. նշանակվել է Փարիզի Սուրբ Խաչ և Արնուվիլի Սբ. Գրիգոր Լուսավորիչ եկեղեցիների ժողովրդապետ և այդ պաշտոնում ծառայել մինչև 2015թ. սեպտեմբերի 5-ը՝ եպիսկոպոս ընտրվելը:

Օրացույց

Օրացույց


Recent Comments