Ամառային ճամբարի համար ջոկատավարներ ընտրելու նպատակով Հայ Կաթողիկէ Առաջնորդարանը նախապես կաթողիկէ համայնքներից երիտասարդներ է հրավիրում  հարցազրույցի, ապա նրանցից ընտրում է լավագույններին, ովքեր առավել համապատասխան են ջոկատավարի կամավոր աշխատանքի համար: Ընտրված ապագա ջոկատավարների համար անցակցվում են նախապատրաստական դասընթացներ: 2018թ.-ի դասընթացը տեղի ունեցավ հունիսի 9-10-ը՝ Աղաջանյան ճամբարում: Մասնակցում էին քառասունհինգ երիտասարդներ՝ Հայաստանի և Վրաստանի հայ կաթողիկե համայքներից:

Դասընթացի բացման խոսքով հանդես եկավ Աղաջանյան կենտրոնի պատասխանատու Տեր Գրիգոր ավագ քհն. Մկրտչյանը:

Ապա երիտասարդները միմյանց հետ ծանոթանացան խաղերի միջոցով, որին հաջորդեց «Թիմային աշխատանք» և «Թիմի կառուցում» դասընթացը: Երիտասարդները հետաքրքրաշարժ խաղերի, քննարկումների միջոցով ջանացին զարգացնել իրենց պատկերացումները, թ՞ե ինչ է նշանակում թիմային աշխատանքը և թիմի կառուցումը:

Օրվա երկրորդ կեսին մասնակիցներին ներկայացվեց երեխաների հետ աշխատելու վարվեցողության կանոնները: Մանրամասն բացատրվեցին բոլոր այն նրբությունները, որոնք անհրաժեշտ են հոգատար և լավ ջոկատավար լինելու համար:

Երիտասադների հետ միասին մշակվեց  ճամբարային կանոնները:

Իսկ հանդիպման երկրորդ օրը մշակեցին ճամբարի օրակարգը և բազմաթիվ հետաքրքիր խաղեր՝ երեխաների օրերը ավելի գունեղ և հետաքրքիր դարձնելու համար:

Երկօրյա դասընթացի ընթացքում երիտասարդները ձեռք բերեցին բազմաթիվ նոր գիտելիքներ և հմտություններ:

Դասընթացի ավարտին մատուցվեց Սուրբ Պատարագ՝ ձեռամբ Տեր Գրիգոր Ավագ քհն. Մկրտչյանի: