• Մեկօրյա բակային ճամբար՝ Փանիկում

    Յիսուս սէր է


    Հոկտեմբերի 7-ին Փանիկի հայ կաթողիկե երիտասարդները կազմակերպել էին մեկօրյա  բակային ճամբար՝ ժողովրդապետ Հ. Գառնիկ Ծ. Վրդ. Հովսեփյանի առաջնորդությամբ:

    Օրակարգը հագեցած էր. այն սկսվեց Ս. և Անմահ Պատարագով, որի ընթացքում աղոթք բարձրացվեց աշխարհի բոլոր անկյուններում գտնվող հայ կաթողիկե երիտասարդների համար: Այնուհետև Հայր Գառնիկը դասախոսեց «Ընտանիք» թեմայով` ներկայացնելով, թե ինչպիսին պետք է լինի  քրիստոնյա ընտանիքը, դրա դերն ու նշանակությունը առողջ հասարակության ձևավորման հարցում: Երիտասարդները ծանոթացան նաև  նաև Արհ. Տ. Ռաֆայել Արքեպս. Մինասյանի «Ընտանիք» Հովվական թղթին:

    Շատ հետաքրքիր և ճանաչողական էր երիտասարդների կազմած խաչբառը, որում ընգրկված հարցերը  հոգևոր թեմայով էին.դրանց քննարկումով նրանք ամրապնդեցին և հարստացրեցին իրենց հոգևոր գիտելիքները:  Յուրաքանչյուր մասնակցի ճիշտ պատասխանի համար տրվեց մեկ տառ ու նկարի մեկ կտոր. խաչբառի բոլոր հարցերին ճիշտ պատասխանելուց հետո բոլոր տառերը համադրելով ստացվեց հետևյալ նշանաբանը. «ՀԻՍՈՒՍ ՍԵՐ Է», իսկ նկարը`Հիսուս Քրիստոսի պատկերը: (Որպեսզի ամբողջական պատկերացում կազմվի խաչբառի սկզբունքի վերաբերյալ կից ներկայացնում ենք խաչբառը):

     

    Այսպիսի միջոցառումները շատ կարևոր են յուրաքանչյուր երիտասարդի թե հոգևոր, թե կազմակերպչական ունակությունների զարգացման հարցում, ուստի երիտասարդները նախատեսում են զարգացնել նոր գաղափարներ և իրականություն դարձնել նոր բակային ճամբարներում:

     

     

    Հարցեր-1

    Փանիկի Սբ. Աստվածածին եկեղեցու Երիտասարդաց միություն

Օրացույց

Օրացույց


Recent Comments