• Եկեղեցու և հարակից տարածքի նորոգման աշխատանքներ՝ Արևիկում և Լանջիկում
    18320857_851213895018058_804090936584760754_o

    Ի շենություն Եկեղեցու՝ միասնական ջանքերով:


    2017թ. մայիսի 2-ին բարեկարգվեց Արևիկի Սուրբ Գրիգոր Լուսավորիչ եկեղեցուն հարակից փողոցը, հարթեցվեց ու խճապատվեց: Աշխատանքները կատարվեցին գյուղի ժողովրդապետ Տ. Նարեկ քհն. Թադևոսյանի նախաձեռնությամբ, Ախուրյանի տարածաշրջանի Մերձմոսկովյան ճանապարհա-շինարարական կազմակերպության կողմից (տնօրեն պրն. Արամ Ադամյանի հովանավորությամբ) և համայնքի բնակիչների մասնակցությամբ: Նույն շինարարական կազմակերպությունը նաև անցած տարի կատարել է նաև Սուրբ Գրիգոր Լուսավորիչ եկեղեցու ջրաֆիկացման աշխատանքները:

    ՛ 18208957_849192355220212_6872257993297169190_o 18238045_849192411886873_4566231514344418731_o 18319036_849192225220225_6284462071772036538_o

     

    Իսկ Անիի տարածաշրջանի Լանջիկ գյուղում, դարձյալ Տ. Նարեկի նախաձեռնությամբ և բնակիչների հովանավորությամբ ու մասնակցությամբ կատարվում են Սուրբ Աստվածածին եկեղեցու հիմքերի ջրամեկուսացման և բետոնապատման, ինչպես նաև Սուրբ Խորանի բեմի նորոգման աշխատանքներ.բեմի հիմքը բետոնապատվում է և հետագայում կսալիկապատվի: Եկեղեցին նաև կարիք ունի ընդհանուր հիմնանորոգման և ջեռուցման համակարգի տեղադրման: Ժողովրդապետը երախտապարտ է համայնքի բնակիչներին (մասնավորապես՝ Համլետ Հովհաննիսյան, Սոս Հովհաննիսյանին, Մհեր Մելիքյանին, Պետրոս Բարսեղյանին, Սեդրակին, Գեղամ Մովսիսյանին, Գրիգոր Մովսիսյանին, Անժելա Աբրահամյանին, Վարդան Վարդանյանին և Լանջիկի միջնակարգ դպրոցի 12-րդ դասարանի աշակերտներին)  նման առատաձեռնությունների համար և հույս ունի, որ միասնական աշխատանքը համայնքի եկեղեցու շենացման համար կշարունակվի ավելի մեծ եռանդով՝ ըստ բարերարների խոստումների և, Աստծո կամոք, հնարավոր կլինի ունենալ գեղեցիկ ու շեն եկեղեցի՝ լի ջերմեռանդ հավատացյալների բազմությամբ:

    18221978_851218841684230_4701369625221987660_n 18222005_851220701684044_2277044911902595205_n 18222129_851214995017948_4249272827058987307_n 18268217_851219401684174_454795630712067140_n

     

     

     

Օրացույց

Օրացույց