• Հայ կաթողիկէ երիտասարդների խմբի կազմակերպիչները մասնակցեցին Հռոմում տեղի ունեցած ժողովին՝ ի պատրաստություն ԵՀՕ-2019-ի
    17757384_1360415220664430_1217801799860764810_n

    Առաջիկայում սպասվում է հույժ կարևոր եպիսկոպոսական սինոդ՝ երիտասարդության խնդիրների վերաբերյալ:


    Հաջորդ «Երիտասարդության համաշխարհային օր» միջոցառումը տեղի կունենա 2019թ. Պանամայում: Նախապատրաստական աշխատանքներն արդեն մեկնարկել են թե Պանամայում և թե Հռոմում, որտեղ Maria Mater Ecclesiae պապական քոլեջում 2017թ. ապրիլի 5-9-ը տեղի ունեցավ ընդհանուր հանդիպում՝ տարբեր երկրների, այդ թվում և Հայաստանի, ներկայացուցիչների հետ: Հայ երիտասարդության խմբին ներկայացնում էին խմբի ղեկավար Հոգշն. Հ. Գառնիկ վրդ. Հովսեփյանը և կազմակերպիչներից Սիրանուշ Մինասյանը:

    17760092_1358880730817879_5848324286632029975_n 17800241_1357738100932142_565689664022899111_n

    Հանդիպման առաջին օրը ներկայացուցիչները պատմել են ԵՀՕ 2016-ի իրենց փորձառության մասին, կիսվել իրենց տպավորություններով: Հայր Գառնիկը ներկայացրել է մասնակիցներին, թե ինչպես են հայ կաթողիկէ երիտասարդները պատրաստվում ԵՀՕ-2019-ին, մասնավորապես 2017թ. հուլիսին Հայաստանի Աղաջանյան կենտրոնում կայանալիք ազգային երիտասարդական օրերին: Նույն օրը հայկական պատվիրակության անդամները հարցազրույց են ունեցել լրագրողների հետ:

    983994_1357738047598814_5187570334837878623_n 17796439_1357737967598822_3810134548260139154_n

    Երկրորդ և երրորդ օրերին ներկայացվել է Երիտասարդության հարցերով կաթողիկէ եպիսկոպոսների 2018թ. հրավիրվելիք սինոդոսի նախապատրաստական փաստաթուղթը, որը կոչվում է «Երիտասարդները, հավատքը և կոչման ընկալումը»: Այդ փաստաթղթի հիմնական կետերը հետևյալն են.

     

     

    «Մենք ապրում ենք՝ ներդրումներ անելով երիտասարդության մեջ…նորարարություններն ու նոր մոտեցումները շատ կարևոր են ապագա զարգացման համար: Մենք պետք է բաց լինենք նորության առջև»:

     

    Չորրորդ օրը Պանամայի պատվիրակությունը ներկայացրեց նախապատրաստական աշխատանքները, որոնք արդեն մեկնարկել են Պանամայում: Դա մի երկիր է, որտեղ երիտասարդները, հեռավորության և աղքատության բարձր մակարդակի պատճառով բավական կտրված են համաշխարհային եկեղեցական երիտասարդական միջոցառումներից: Ուստի, սա մի գեղեցիկ հնարավորություն կլինի նրանց համար շփվելու և ձեռք բերելու նոր ընկերներ և, իհարկե, աղոթելու Սրբազան Քահանայապետի հետ միասին:

     

    Թեմական օրերը կկազմակերպվեն ոչ միայն Պանամայում, այլև՝ Կոստա Ռիկայում և Նիկարագուայում:

    Ուխտավորները կհյուրընկալվեն ընտանիքների մոտ, դպրոցներում, սպորտային դահլիճներում և ճամբարներում:

    Հայտերի լրացման համակարգը նույնն է, ինչ որ կիրառվեց Լեհաստանի պարագայում:

    Ժողովի երկրորդ օրը Հ. Գառնիկ վրդ. Հովսեփյանը Հայաստանի հայ կաթողիկէ առաջնորդության անունից հայկական փայտե մի խաչ նվիրեց Սուրբ Աթոռի «Աշխարհականների, ընտանիքի և կյանքի» վարչության պրեֆեկտ Կարդինալ Քեվին Ֆարրելին:

    17798974_1358888034150482_6997761706159154077_n

     

    Հայկական պատվիրակության անդամները այցելեցին նաև Հռոմի Լևոնյան վարժարան, Ռադիո Վատիկանի հայկական բաժին: Ռադիոյի լրագրողը հարցազրույց ունեցավ Սիրանույշ Մինասյանի հետ՝ ԵՀՕ Հայաստանի նախապատրաստության մասին:

     

    Ապրիլի 8-ին քառօրյա ժողովի բոլոր մասնակիցները անմոռանալի մի հնարավորություն ունեցան միասին աղոթելու Հռոմի Ֆրանցիսկոս Սրբազան Քահանայապետի հետ միասին, Հսկումի երեկոյան, Ծաղկազարդի տոնի նախօրեին, ըստ լատին սովորության:

     

     

     

     

    17796064_1360415943997691_1795455519713476065_n 17796399_1360415683997717_8727642765852464429_n 17796698_1360415463997739_5195788227304397133_n 17798966_1361754690530483_8166280508130415919_n 17862519_1361755620530390_5699865083945230017_n17634559_1362260510479901_7330258930950952024_n 17796854_1362260653813220_2457087017451916141_n 17861579_1362260540479898_3939957397616871660_n17883936_1365524126820206_6011778329426009403_n

     

Օրացույց

Օրացույց