2016 թվականի նոյեմբերի 27-ին Տաշիրի հայ կաթողիկէ եկեղեցում , Մարդու իրավունքի, քաղաքականության և մարդասիրական հարցերի միջազգային ասոցիացիայի Գերագույն Խորհրդի Նախագահության որոշմամբ Տաշիրի և հարակից բնակավայրերի հայ կաթողիկեների ժողովրդապետ Հայր Ներսես Վարդապետ Գալստյանին հանձնվել է շնորհակալական պատվոգիր:

Վարդապետին պարգևատրելու առիթները  բազմաթիվ են, որոնցից նշենք հետևյալները՝ ՀՀ Տաշիր վարչական կենտրոնի սահմանամերձ գյուղերի ու դպրոցների աշակերտների և երիտասարդության հետ հոգևոր, բարոյական, հայրենասիրական, դաստիարակչական աշխատանքներ տանելու, իր մեծ նվիրումի ու անձնական ներդրման, հումանիտար օգնության ու բարեգործության համար, դպրոցներին, բազմազավակ ընտանիքներին, ծնողազուրկներին, հաշմադամներին ու անապահով ընտանիքների երեխաներին աջակցելու, ինչպես նաև երեխաների հետ Աստվածաշնչի, քրիստոնեականի ուսումնասիրման և նրանց հոգեպես ուժեղ դարձնելու հետևողական աշխատանքների համար:

Կարևորվել է նաև հոգևորականի ներդրումը`  հայրենիքի պաշտպան հայրենասեր երիտասարդների դաստիարակության և նրանց իրավունքերի ու ազատությունների պաշտպանության գործում:

Աննման Մինասյան