• Բացառիկ իրադարձություն.Պապը կարդինալի տիտղոս է շնորհել մի քահանայի

    «Հիսուսն իմ կյանքն է»…


     

    «Ես մի խեղճ քահանա եմ, և իմ միակ հարստությունը Քրիստոսն է». սրանք այն  խոսքերն են, որոնք իտալացի կենսագիր Mimmo Muolo-ն հիշում է Սրբազան Քահանայապետի կողմից արդեն կարդինալ անվանված Հայր Էռնեստ Սիմոնիից (Ernest Simoni)-ից:

     

    Հայր  Էռնեստ Սիմոնին միակ ոչ եպիսկոպոս մարդն է այն 17 հոգևորականներից, ովքեր օրեր առաջ Նորին Սրբություն Ֆրանցիսկոս Սրբազան Քահանայապետի կողմից անվանվեցին կարդինալներ: Այս տարվա նոյեմբերին նրանք կստանան կարմիրն գլխարկներ և կմասնակցեն կարդինալների ժողովին:

     

    Հայր Էռնեստ Սիմինին ապրում և ծառայում է Ալբանիայում, կոմունիստական ռեժիմի տարիներին ենթարկվել է խոշտանգումների և բանտարկությունների, դատապարտվել մահապատժի և հինգ անգամ փրկվել մահից, ինչպես ինքն է պատմել: Նրա պատմությունը Սրբազան Քահանայապետին հուզեց 2014 թ. Տիրանա կատարած իր առաքելական այցի ժամանակ, երբ Նորին Սրբությունն անձամբ հանդիպեց նրան և զրուցեց:

     

    Հոկտեմբերի 9-ին, Սրբազան Քահանայապետը նրա անունը հայտարարելով  նշեց այն, որ նա ընտրել է «մի քահանա, ով հստակ քրիստոնեական վկայություն է տվել»:

     

    Երեկոյան ժամերգության ժամանակ, Տիրանայի  Սուրբ Պողոս Տաճարում, 2014թ-ի նոյեմբերի 21-ին, Սրբազան Քահանայապետի ներկայությամբ, Հայր Սիմոնին, ով 2016թ. հոկտեմբերի 18-ին տոնելու է իր 88-ամյակը, պատմեց 1963թ.-ի իր ձերբակալության մասին, 8 տարվա քահանայությունից հետո: Հայր Սիմոնին խոշտանգվել է այն պատճառով, որ վկայում էր Քրիստոսին, երկար տարիներ անցկացրել է բանտում, 25 տարի հարկադիր աշխատանք կատարել ստրկության մեջ՝ մինչև 1990թ.-ի կոմունիստական ռեժիմի փլուզումը: Բազմաթիվ բանտարկյալների համար դառնալով հոգևոր հայր՝ նա Սբ. Պատարագ է մատուցել,  բաշխել Սբ. Հաղորդություն և լսել խոստովանություններ: Նա իր բանտախցի պատին գրել է.

    «Հիսուսն իմ կյանքն է»:

     

    «Այսօր մենք անդրադարձանք նահատակներին». ասաց Քահանայապետն Հայր Սիմոնիի և մի կրոնավոր  կնոջ վկայությունից հետո. «Այս պարզությամբ, նրանք ֆիզիկապես և հոգեպես շատ տառապեցին, տառապեցին անորոշության տառապանքով, չիմանալով թե արդյո՞ք իրենց կգնդակահարեն, թե ոչ, և նրանք ապրեցին այս անորոշությամբ: Տերը մխիթարեց նրանց: Նա մխիթարում է սրտի խորությամբ ու Իր ուժով»:

     

    Այս տարվա ապրիլին Հրապարակային Ունկնդրությունից հետո Քահանայապետը կրկին տեսավ այս ծեր քահանային.ապա, որպես հարգանքի նշան, համբուրեց նրա ձեռքերը:

     

    80-տարին բոլորած Կարդինալ Սիմոնին կստանա կարդինալական գլխարկ, կմասնակցի ժողովներին, բայց ընտրող չի լինի Քահանայապետի ընտրության կոնկլավի ժամանակ:

     

    Թարգմանեց՝ Նարինե Գալոյանը

Օրացույց

Օրացույց


Recent Comments