• Հայ երիտասարդների 350 հոգանոց խումբն արդեն Լեհաստանում է

    Լեհաստանը Կաթողիկէ դավանանքի և քրիստոնեական ընդհանրականության հիմնական օջախներից է:


    22 հուլիսի, 2016թ.

    Հայ կաթողիկէ երիտասարդների 350 հոգանոց խումբն արդեն Լեհաստանում է: Երիտասարդները հոգևորականների առաջնորդությամբ Լեհաստան մեկնեցին Թբիլիսիի օդանավակայանից, քանի որ տոմսերն այնտեղ ավելի մատչելի էին: Չվերթը բավական երկար էր: Երիտասարդներին մեծ հոգևորությամբ Լեհաստանում դիմավորել են լեհ կամավորական երիտասարդները: Ուխտագնացության մասնակիցների խոսքով իրենց օրակարգը մանրակրկիտ կազմակերպված է: Նրան տեղակայվել են Պլոցկին հարակից տարբեր քաղաքներում, հյուրընկալող ընտանիքներում: Կազմակերպվում են մշակութային միջոցառումներ, որոնց մասնակցում են նաև հայ երիտասարդները՝ ներկայացնելով հայկական մշակույթը: Ամեն օր մասնակցում են Սբ. Պատարագի, ապա լեհ ընկերների ուղեկցությամբ այցելում են տեղի սրբավայրերը, տեսարժան վայրերը: Սկվել է առաքելության շաբաթը, որի ընթացքում հայ երիտասարդները այլազգի տարեկիցների հետ միասին կատարելու են ողորմության գործեր:

    13717943_1163517500353986_607737311_o

     

    Լեհ երիտասարդների մեծամասնությունը շատ ջերմեռանդ է հավատքի մեջ, ակտիվ հաճախում է Եկեղեցի, կանոնավոր մասնակցում Սբ. Պատարագին և կատարում կամավորական հսկայածավալ աշխատանք՝ օգնելով քահանաներին և կատարելով ավետարանացման կարևոր առաքելություն: Այս իմաստով հայ երիտասարդների համար շատ օգտակար է նրանց հետ շփումը և նրանց օրինակը՝ հայ կաթողիկէ համայնքներում սեփական ակտիվությունը մեծացնելու, նոր ծրագրեր սկսելու համար:

     

    13690756_1163309140374822_1610379208175426032_n 13709822_1163307617041641_4818863129292334899_n 13716062_1163307917041611_7205312065558918196_n 13726554_1163310497041353_5062617254088165934_n 13729143_1163310123708057_7008621640163388166_nMinsk_lotnisko_01

    Պետք է ասել, որ Լեհաստանում կաթողիկէ Եկեղեցու հետևորդները կազմում են ընդհանուր բնակչության (37.507.000) 97,6 %-ը: Լեհաստանում կա 156 եպիսկոպոս, 30.661 քահանա, մոտ 21.000 վանական՝ արական և իգական սեռի, մոտ 3500 ճեմարանական, մոտ 14.000 կրոնուսույց: Լեհաստանը համարվում է Կաթողիկէ դավանանքի հիմնական օջախներից մեկը, ունի 1.425 կաթողիկէ կրթական կենտրոն, 3129 բարեսիրական կազմակերպություն և հարյուրավոր այլ սոցիալական հաստատություններ, որոնք հիմնել և ղեկավարում է Կաթողիկէ Եկեղեցին: Ի վերջո, Լեհաստանից է սերում Սբ. Հովհաննես Պողոս Բ Պապը, ով հսկայական ազդեցություն թողեց 20-րդ դարի քրիստոնեության պատմության վրա:

     

     

Օրացույց

Օրացույց


Recent Comments