• Հարցազրույց Լատինական Ամերիկայի հայ կաթողիկէների առաջնորդի հետ՝ Սրբազան Պապի մասին

    «Սրբազան Պապը մեզ  հետևում, աղոթում և սիրում է».Արհ. Տ. Վարդան եպս. Պողոսյան

     


    1 հուլիսի, 2016թ.

     

    Սրբազան Հայր , խնդրում եմ, նախ պատմեք Ձեր մասին:

     

    «Ծնվել եմ  Բրազիլիայում: Սովորել եմ  Հովհաննես Պոսկոյի Սալեզյան միաբանությունում:  Քառասունմեկ տարեկան էի, երբ Հռոմի Պապ Սուրբ Հովհաննես Պողոս երկրորդը ինձ կանչեց իր մոտ: Այստեղ սովորեցի մի փոքր հայերենը և հայկական Պատարագի ծեսը:  Շուտով նշանակվեցի հարավային կաթողիկէների առաջնորդը` Մեխիկո, Վենեսուելլա, Բրազիլիա, Արգենտինա, Ուրուգվայ և Չիլի:  34 տարի ի վեր սպասավորում եմ այս երկրներում և փորձում եմ օգնել մեր հայ կաթողիկէ ժողովդրին»:

     

    Որքա՞ն է հայ կաթողիկէների թիվը Հարավային Ամերիկայում:

     

    «Արգենտինան ամենամեծ գաղութն է: Շատ լավ կազմավորված: Մենք իբրև հայ կաթողիկէներ` քսան հազար ենք, իսկ ամբողջ Հարավային Ամերիկայում՝ երեսուն հազար հայ կաթողիկէ:

     

    Հարավային Ամերիկայում ունենք երկու կաթողիկէ կենտրոն`  Բուենոս Այրես և Սան Պաուլո: Բուենոս Այրեսը` Սբ. Գրիգոր Նարեկացու եպիսկոպոսությունն է՝ հիմնադրված 1989թ.: Իսկ Սան Պաուլոն` հիմնադրվել է 1989թ. Հովհաննես Պողոս Բ պապի կողմից։

     

    Երկրորդ հայ կաթողիկէ համայնքը Բրազիլիան է:  Երրորդ համյանքը Ուրուգվայը, չորրորդը` Չիլի, հինգերերդ` Վենեսուելլան և վեցերերդ` Մեխիկոն, որտեղ մի քանի ամից առաջ  հանդիպեցի Սրբազան Քահանայապետին, ով հոգելից այցելություն կատարեց այս երկիրը: Ես էլ ներկա էի և սպասավորում էի մեր համայնքում»:

     

    Այն ժամանակ, երբ դեռ Ֆրանցիսկոս Պապը կարդինալ էր և Արգենտինայի արքեպիսկոպոսն է, կապված էր արդյո՞ք հայ կաթողիկէների հետ:

     

    «Մենք`  ավազանի անունով Խորխե Մարիո Բերգոլիոյի հետ բարեկամներ էինք և հաճախ էինք հանդիպում  միմյանց:  Խորխե Բերգոլիոն մեր եպիսկոպոսական ժողովների նախագահն էր:  Եվ նա  շատ անգամներ էր մասնակցում Հայոց Ցեղասպանությանը նվիրված միջոցառումներին: Բուենոս Այրեսի Մայր տաճարում էլ կարդինալ Բերգոլիոն խաչքար դրեց: Եվ այնտեղ էլ կարդինալ Բերգոլիոն ցանկանում էր թաղվել: Մինչ այժմ էլ շարունակում ենք այս բարեկամությունը արդեն Ֆրանցիսկոս Սրբազան պապի՝ Բերգոլիոյի հետ: Պապը սիրում է հայ ժողովրդին, զգում է հայ ժողովրդին: Եվ տեսանք, թե ինչպես 2015 թվականի ապրիլի 12-ին Վատիկանի Սուրբ Պետրոսի մայր տաճարում Հայոց Ցեղասպանության 100-րդ տարելիցի առիթով Ֆրանցիսկոս պապը մատուցեց  պատմական Սուրբ Պատարագը: Անշուշտ, այդ Սբ. Պատարագից մի քանի օր առաջ երբ շնորհակալություն հայտնեցի Պապին՝ այս բոլորի համար, նա ինձ ասաց.

     

    «Սրբազան Պողոսյան դեռ կարևոր մի բան ունեմ ասելու…»:

     

    Ոչ ես և ոչ էլ ուրիշ մեկը չէր պատկերացնում, որ պապը պետք է խոսեր 20-րդ դարում հայերի դեմ կատարված ցեղասպանության մասին»:

     

    Սրբազան Հայր, ինչո՞վ է պայմանավորված Ֆրանցիսկոս Պապի հատուկ  համակրանքը  հայերի հանդեպ:

     

    «Սրբազան պապը գիտի մեր պատմությունը, գիտի, որ մենք առաջին քրիստոնյա ազգն ենք; Գիտի, որ  հայերս ունենք  ծանր պատմություն, որ մենք հանուն մեր հավատքի, մեր կյանքն են զոհել: Այս ամենն էլ իմանալով՝ Պապը հայերիս հանդեպ ունի սիրո մեծ զգացում»:

     

    Ի՞նչ նշանակություն ունեցավ Պապի այցը Հայաստան:

     

    «Սրբազան պապը եկավ մեր մեջ և երկու օր մնաց մեզ հետ: Սքանչելի օրեր միասին անցկացրեցինք: Պետք է ասեմ, որ Սրբազան պապը միշտ մեր մեջ է:  Այսինքն Պապը միշտ մեզ համար աղոթում է, հետևում է և մեզ ծառայում է` մեր եկեղեցականների միջոցով:  Կաթողիկէ Եկեղեցին մեկ մարմինն է: Ուրեմն, Սրբազան պապը իբրև կաթողիկէների առաջնորդ, մեզ   հետևում, աղոթում և սիրում է»:

     

    Սրբազան Հայր,  ինչպե՞ս են սկսվել է Ձեր բարեկամական հարաբերությունները կարդինալ Բերգոլիոյի հետ:

     

    «Մենք նույն քաղաքում էինք  աշխատում և ամեն անգամ հանդիպում էին եպիսկոպոսական ժողովներին: Այսպես է սկսվել մեր բարեկամությունը: Եվ հետո կարդինալ Բերգոլիոն դարձավ Հռոմի Պապ: Երբ երջանիկ պատեհությամբ միմյանց   հանդիպում ենք, նա ինձ ասում է. «Բարև՛ Վարդապետ Պողոսյանին», որովհետև նա չի մոռանում ոչ մեկին, նա բոլորին հիշում է:

     

    Պապը նաև  մտածում է, որ ես լավ կատակ եմ պատմում, և երբ մենք հանդիպում ենք, միշտ կատակ է խնդրում, որ ես պատմեմ: Եվ անշուշտ, նա  միշտ ծիծաղում է: Եվ ես ամեն անգամ մի բան պատմում  եմ»:

     

    Սրբազան Հայր, ինչպիսի՞ն էր  կարդինալ Բերգոլիոյի կենցաղավարությունը Արգենտինայում:

     

    «Մի  շատ պարզ ու համեստ  մարդ էր, միշտ աղքատ թաղամասերն էր այցելում: Եվ հանկարծ,  եթե հեռախոսը զանգում էր կամ հաղորդագրություն էր գալիս, նա ոչ մեկին չէր մոռանում պատասխանել անձամբ: Որպես բոլոր կաթողիկէների առաջնորդ՝  Պապը Արգենտինայի մեջ մեծ հարգանք ունի:

     

    Այսպես է՝ պարզ, թափանցիկ, սքանչելի: Տեսնում եմ, որ իբրև Սրբազան պապ ավելի ուրախություն ունի հիմա, որ հատուկ մի պարգև է Աստված տվել  իրեն՝ ծառայալու ժողովրդին: Անշուշտ, ինքը մեզ համար միշտ աղոթում է և մենք էլ միշտ պետք է իրեն հիշենք մեր աղոթքների մեջ»:

     

    «Ողորմության տարին, որը հռչակեց Ֆրանցիսկոս Սրբազան Քահանայապետը` մենք իբրև եկեղեցվո անդամներ պետք է ցույց տանք ժողովրդին, որ Աստված բարի է, օգնում է մեզ: Եվ պետք է ապրենք այնպես, ինչպես  ապրում է Սրբազան Պապը»:

     

    Հարցազրույցը վարեց՝ Լիլիթ Մկրտչյանը

     

     

     

Օրացույց

Օրացույց