• Նորին Սրբությունը քննադատում է հիվանդների եւ հաշմանդամների հանդեպ անտարբերությունը

    «Երջանկություն կարելի է ձեռք բերել միայն ուրիշներին առանց բացառության սիրելու ունակության միջոցով»:


    13 հունիսի, 2016թ.

     

     

    2016թ.հունիսի 12-ին Սբ. Պետրոսի հրապարակում Սրբազան Քահանայապետը Սբ. Պատարագ է մատուցել հիվանդների և հաշմանդամների համար: Քարոզի նա ժամանակ քննադատել է հիվանդների և հաշմանդամների նկատմամբ անտարբերության երևույթը:

     

    «Ինչպիսի՛ պատրանք է, երբ մարդիկ այսօր փակում են իրենց աչքերը հիվանդության եւ հաշմանդամության վրա»։ Ֆրանցիսկոս Սրբազան Պապն ասել է կշտամբելով․ «Նրանք չեն կարողանում հասկանալ կյանքի իրական իմաստը, որը պիտի ընդունի նաեւ տառապանքը եւ սահմանափակումները».ասել է նա:

     

    Քահանայապետը խոսել է Սուրբ Պողոսի Գաղատացիներին ուղղված  նամակի հետևյալ հատվածի մասին. «Քրիստոսի հետ խաչը ելա. կենդանի եմ  այսուհետեւ, բայց ոչ թե ես, այլ իմ մեջ ապրում է Քրիստոսը»՝ նշելով, թե ինչպես է առաքյալը զորավոր կերպով արտահայտում քրիստոնեական կյանքի խորհուրդը:

     

    Պապն ընդգծել է, որ այս վերածնունդն ընդգրկում է մեր կյանքի բոլոր ոլորտները, նույնիսկ հիվանդությունը, տառապանքը եւ մահը Քրիստոսի մեջ են գտնում իրենց վերջնական իմաստը: Նա նշեց, որ հիվանդների եւ հաշմանդամների այս հոբելյանական օրը շատ հարմար առիթ է՝ հիշելու սա եւ այն, որ բոլոր հավատացյալները ինչ – որ պահի կոչված են դեմ առ դեմ կանգնելու տկարության ու հիվանդությանը, լինի դա իրենց սեփականը կամ ուրիշներինը։

    10169162_577191725712130_6299612744534983630_n

    Պապը հիշեցրել է, որ մարդկային բնությունը բնորոշվում է իր սահմանափակումներով:

     

    «Այն տարիքում, երբ մարմնի խնամքը դառնում է մոլուցք եւ մեծ բիզնես, ցանկացած անկատար բան պիտի թաքցվի», – ցավով նշել է Քահանայապետը, -քանի որ այն սպառնում է մի քանի արտոնյալների երջանկությանն ու խաղաղությանը եւ վտանգում գերիշխող մոդելը»:

     

    Պապն ասել է, որ նման մարդիկ «լավ կլինի, որ հեռու լինեն իրարից»:

     

    Մարդիկ խաբում են իրենք իրենց, երբ փակում են աչքերը տառապյալների առաջ, նրանք չեն հասկանում կյանքի իմաստը:

    «Աշխարհը չի դառնում ավելի լավը, որովհետեւ միայն թվացյալ «կատարյալ» մարդիկ են ապրում այնտեղ, այլ՝ միայն այն ժամանակ, երբ մարդկային համերաշխությունը, փոխադարձ ընդունումը եւ հարգանքը աճում են»։

    article-2527606-1A3CD83D00000578-810_634x398 (1)

    Նորին Սրբությունը հիշեցրել է, որ օրվա Ավետարանը (Ղուկ 7: 36-8: 3) ներկայացնում է մեզ տկարության կոնկրետ իրավիճակ, որտեղ մեղավոր մի կին դատապարտվում եւ մերժվում է, բայց Հիսուսը ընդունում եւ պաշտպանում է նրան: Այս քնքշությունը ցույց է տալիս Աստծո սերը նրանց հանդեպ, ովքեր տառապում են եւ մի կողմ են նետված:

     

    Սրբազան Քահանայապետը նշել է, որ տառապանքը միայն ֆիզիկական չէ, այսօր առավել հաճախակի հանդիպում են հոգեւոր չարիքներ։

     

    «Դա սրտի տառապանքն է. սիրո բացակայությունը տխրություն է առաջացնում։ Երբ զգում ենք հիասթափություն կամ դավաճանություն կարեւոր հարաբերություններում, սկսում ենք գիտակցել, թե որքան խոցելի եւ անպաշտպան ենք»:

     

    Ֆրանցիսկոս Պապը բացատրել է, որ երջանկությունը, որը ցանկանում ենք, կարելի է ձեռք բերել միայն առանց բացառության սիրելու ունակության միջոցով:

     

    Ներկաներին ուղղել է նաեւ այն հարցը, թե արդյո՞ք կարող ենք «մեղադրել Աստծուն, մեր տկարությունների ու տառապանքների համար, երբ գիտակցում ենք, թե որքան տառապանք կա խաչված Որդու դեմքին»։

    Pope-Francis-and-sick

    Պապը կոչ է արել հավատացյալներին ընդօրինակել Հիսուսին, ում «ֆիզիկական ցավը ուղեկցվում էր ծաղրանքով, ամբարտավանությամբ եւ արհամարհանքով», բայց «Հիսուս այդ ամենին պատասխանում էր ողորմությամբ, որ ընդունում եւ ներում է ամեն ինչ»:

     

    «Հիսուսն է բժիշկը, ով բուժում է սիրո դեղով, քանզի վերցնում է իր վրա մեր տառապանքները եւ փրկում մեզ: Գիտենք, որ Աստված կարող է հասկանալ մեր տկարությունները, քանի որ ինքն էլ անձամբ զգացել է դրանք (Եբր․ 4.15)»:

     

    Քահանայապետը եզրափակել է՝ հիշեցնելով հավաքվածներին,  որ մեր վերաբերմունքը հաշմանդամների հանդեպ «սիրո ցուցանիշն է»:

     

    Zenit լրատվական գործակալության կայքից թարգմանեց՝ Նարինե Աղասարյանը

     

    Pope-Francis-kisses-sick-child

    Pope Francis kisses a disabled child during a visit to the parish of Santa Maria dell'Orazione on the outskirts of Rome March 16. (CNS photo/Stefano Rellandini, pool via Reuters) (March 17, 2014) See POPE-PARISH March 17, 2014.

Օրացույց

Օրացույց


Recent Comments