• Հուշաղբյուրի օրհնություն՝ ի երախտագիտություն Փանիկի համար ջանքեր ներդրած հոգևորականների

    Սբ. Պատարագ՝ ձեռամբ Հոգշ. Հ. Գառնիկ վրդ. Հովսեփյանի:


    31 մայիսի, 2016թ.

     2016թ. մայիսի 29-ին՝ Եկեղեցւոյ տօնին, այցելեցինք  Փանիկ, որտեղ Սբ. Աստվածածին եկեղեցում Սբ. Պատարագ մատուցեց ժողովրդապետ Հոգշ. Հ. Գառնիկ վրդ. Հովսեփյանը:

     

    Իր քարոզում նա ասաց հետևյալը.

     

    «Սիրելի՛ հավատավոր ժողովուրդ, այսօր ընդհանրական եկեղեցին տոնում է  «Տօն Եկեղեցւոյ»:  Սուրբ Գրիգոր Լուսավորչի օրից է եկել այս տոնը: Երեկ՝ մայիսի 28-ին հայ Եկեղեցին տոնեց Սուրբ Գրիգոր Լուսավորչի ելքը Խոր Վիրապից:  Ինչպես գիտենք, Սբ. Գրիգոր Լուսավորիչը 13 տարի փակված է մնում այնտեղ, սակայն աստվածային նախախնամությամբ Սբ. Գրիգոր Լուսավորիչը դարձավ առաջին կաթողիկոսը Հայաստանում: Եվ այստեղ՝ այս եկեղեցում ունենք շատ գեղեցիկ մի նկար, որտեղ պատկերված է, թե ինչպես Սբ. Գրիգոր Լուսավորիչը մկրտում է Տրդատ  թագավորին: Եվ մենք այսպես, հայ ազգը առաջին ազգն է, որն ընդունել է քրիստոնեությունը՝ որպես պետական կրոն:

    IMG_0449

    Ինչպես տեղյակ եք, Սրբազան Քահանայապետը Հայաստան այցի ժամանակ պիտի այցելի նաև Խոր Վիրապ: Վստահ, պետք է հարցնեք թե ինչու: Սրբազան Քահանայապետը Խոր Վիրապ կայցելի, քանի որ այդ գբից է քրիստոնեությունը առաջ եկել Հայաստանում: Հայ Եկեղեցին հիմնադրվեց Խոր Վիրապի լույսից: Հռոմում սկիզբ առավ Ընդհանրական կամ Կաթողիկէ Եկեղեցին և Ֆրանցիսկոս սրբազանը լինելով  Պետրոս առաքյալի հաջորդը և քրիստոնեության առաջին ռահվիրան, սրա համար էլ պետք է այցելի Խոր Վիրապ՝ որպես երկու Եկեղեցիների՝ Ընդհանրական Կաթողիկէ Եկեղեցու և Հայ Եկեղեցու միության խորհրդանիշ: Ֆրանցիսկոս Քահանայապետը Գարեգին Բ Վեհափառ Հայրապետի հետ միասին պետք է աղօթի մեր հավատքի հաստատման, հայոց հավատքի հաստատման համար:

     

    Շատ գեղեցիկ էր այսօրվա ժամամուտը, որտեղ ասվում է.«Խաղաղություն շնորհեա՛ քո Եկեղեցւոյ»: Ժամամուտը կոչ է խաղաղության՝ եկեղեցու համար: Եկեղեցին այսօր կա և կմնա հավիտյանս հավիտենից: Եկեղեցին մենք ենք, սիրելի՛ հավատացյալներ:  Կենդանի քարերը մեր Եկեղեցու մենք ենք՝ հավատացյալներս: Ուստի ամեն մեկը մեզանից թանկագին մի քար է եկեղեցու համար, Հիսուսի համար»:

     

    Ապա Հայր Գառնիկը շարունակեց խոսել արդեն այն վարդապետների մասին, ովքեր մեծ գործունեություն են ծավալել համայնքի զարգացման գործում.

     

    IMG_0426

    «Այսօր, մենք նշելով Եկեղեցու տոնը, ունենք պարտականություն՝ աղօթելու և մեր հարգանքի և սիրո  տուրքը մատուցելու մեր հոգևոր երեցներին, հովիվներին, ովքեր  աշխատել են Հայաստանում,  մասնավորապես, Փանիկ համայնքում:  Նախ պետք է հիշենք Ներսես Արքեպս․ Տեր–Ներսէսյանին, ով 1991-2005թթ. եղել է առաջին առաջնորդը Հայաստանի, Վրաստանի, Ռուսաստանի և Արևելյան Եվրոպայի կաթողիկէ հայոց:  Նաև պետք է հիշենք ու աղօթենք վաստակաշատ Հ. Կոմիտաս վրդ. Մանուկյանի համար, ով երկար տարիներ լայն գործունեություն է ծավալել, ինչպես հոգևոր, այնպես էլ աշխարհիկ կյանքում։ Հայր Կոմիտասը մաքրել է  եկեղեցու տարածքը: Եկեղեցուն կից կառուցել մի գեղեցիկ քահանայատուն, վերանորոգել հիվանդանոցը և այն ամենը, ինչ մենք ունենք հիմա, նրա շնորհիվ է:  Պետք է աղօթենք նաև Հայր Անտոն վրդ. Ճիվանյանի համար»:

     

    «Տօն Եկեղեցւոյ»-ն այս համայնքում առավել իրադարձային դարձավ, քանի որ եկեղեցու բակում կատարվեց հուշաղբյուրի բացման արարողություն՝ ի հիշատակ Արհ. Տ. Ներսես արքեպս. Ներսիսյանի,  Հ. Կոմիտաս վրդ. Մանուկյանի և Հ. Անտոն վրդ. Ջիվանյանի: Նրանք այն վարդապետներից են.  ովքեր մեծ ներդրում են ունեցել  Փանիկի  հայ կաթողիկէ համայնքում: Ապա Հայր Գառնիկ վրդ, Հովսեփյանը կատարեց հուշաղբյուրի օրհնության կարգը:

     

    IMG_0466

    Հայր Գառնիկը հուշաղբյուրի օրհնության արարողությունից հետո իր խոսքն ուղղեց հավատացյալներին.

     

    «Սիրելի՛ հավատավոր ժողովուրդ, այսօր միասին, միաշունչ, միահոգի հավաքված ենք՝ մեր հարգանքի տուրքը մատուցելու ենք մեր հոգևոր երեցներին: Այս եկեղեցու մեջ կաթողիկէ վարդապետները աղօթոցին ձեզ համար, մկրտեցին ձեզ և ձեր զավակներին և դրա համար էլ այսօր վայելում ենք Աստծո փառքը և պատիվը:  Աստված իրենց հոգիները լուսավիրի և դասավորի Երկնքի Արքայության մեջ»:

     

    Հուշաղբյորը բացվել է հայ կաթողիկէ եկեղեցու, ինչպես նաև Սբ. Աստվածածին եկեղեցու տարածքի պատասխանատու Վարդան  Կարապետյանի նախաձեռնությամբ ու միջոցներով: Վարդան Կարապետյանի համար մեծ պատիվ է, որ նա կարող է իր ներդրումն ունենալ եկեղեցու բարելավման, բարենորոգման ու զարգացման գործում:

     

    Հ. Գառնիկը իր խոսքում հորդորեց  հավատացյալներին, որ ամեն անգամ այս ջուրը խմելուց աղօթեն  այն երեցների համար, ովքեր իրենց նվիրվածությունը, սերն  ու ջանքն են դրել  ի փառս Եկեղեցվո և  համայնքի բարգավաճման:

     

    13239049_1082098865162735_4316215297368619924_n 13267734_1082099005162721_8283285351670751146_n

    Լիլիթ Մկրտչյան

     

     

     

     

     

     

     

     

     

     

Օրացույց

Օրացույց