9 դեկտեմբերի, 2015թ.

Տեր Հիսուս Քրիստոս,

Դու մեզ սովորեցրիր գթասիրտ լինել

Ինչպես երկնավոր Հայրը,

Եվ մեզ ասացիր, թե ով որ Քեզ տեսնի,

Հորն է տեսնում:

Ցու՛յց տուր մեզ Քո դեմքը, և մենք կփրկվենք:

Սիրալիր նայվածքդ Զակքեոսին և Մատթեոսին ազատեց դրամի գերությունից,

Շնացողին ու Մագթաղենացուն ազատեց իրենց երջանկությունը միայն ստեղծվածի վրա դնելուց,

Լացել տվեցիր Պետրոսին՝ ուրացումից հետո,

Եվ ապահովեցիր Դրախտը՝ զղջացած ավազակի համար:

Թող, որ յուրաքանչյուրս լսի, որպես իրեն ուղղված, այն խոսքը, որ ասացիր սամարացուն.

«եթե գիտենայիր Աստծո պարգևը»:

Դու ես տեսանելի դեմքը անտեսանելի Հոր Աստծո Ամենակալի,

Որ հայտնվում է հատկապես ներումով և ողորմությամբ:

Թո՛ղ, որ աշխարհում Եկեղեցին լինի Քո տեսանելի դեմքը,

Որի Տերն ես Դու՝ Հարուցեալդ փառքի մեջ:

Ուզեցիր, որ Քո պաշտոնյաներն էլ տկարությունը հագնեն, որպեսզի զգան ճիշտ կարեկցությունը նրանց հանդեպ, ովքեր տգիտության և սխալի մեջ են:

Այնպես արա՛, որ պաշտոնյաներիդ մոտեցողը ինքն իրեն զգա Աստծո կողմից սպասված, սիրված ու ներված:

Ուղարկի՛ր Սուրբ Հոգիդ, որ մեզ սրբացնի իր դրոշմով, որպեսզի

Ողորմության հոբելենական տարին լինի Տիրոջ շնորհքի տարի,

Եվ Տիրոջ Եկեղեցին, նորոգված եռանդով, կարողանա աղքատներին փոխանցել ուրախ լուրը,

Հռչակել ազատություն՝ բանտարկյալներին և ճնշվածներին,

Կույրերին վերադարձնի տեսողությունը:

Այս բոլորը Քեզնից խնդրում ենք Գթության Մոր՝ Մարիամի բարեխոսությամբ,

Դու, որ ապրում և թագավորում ես Հոր և Սուրբ Հոգու հետ,

Այժմ և միշտ և հավիտյանս.

Ամեն: