• Ամենապատիվ Հոգևոր Տերը հանդիպել է ՀՀ Սփյուռքի և Արտաքին գործերի նախարարների հետ

    Հաղորդում է Ռադիո Վատիկանը:


    23 սեպտեմբերի, 2015թ.

    2015թ. սեպտեմբերի 22-ին Տանն Կիլիկիոյ Կաթողիկէ Հայոց նորընտիր Ամենապատիվ  Տեր Գրիգոր Պետրոս Ի Կաթողիկոս Պատրիարքը այցելել է ՀՀ  սփյուռքի նախարարութիւն:

     

    Նախարար Հրանուշ Յակոբեանը շնորհաւորել է Հոգևոր Տիրոջը՝ Տանն Կիլիկիոյ կաթողիկէ հայոց Կաթողիկոս Պատրիարք ընտրուելու առթիվ և ուրախութիւն հայտնել, որ նա նոր կարգավիճակով այցելել է ազատ ու անկախ Հայաստանի Հանրապետութիւն:

     

    Նախարարը նորընտիր Կաթողիկոսին տեղեկացրել է, որ Սփիւռքի նախարարութիւնը սերտօրէն համագործակցում է Հայաստանի Հայ կաթողիկէ եկեղեցու հետ և դրուատանքով է խօսել Արհ. Տ. Ռաֆայէլ արքեպիսկոպոս Մինասեանի նուիրեալ աշխատանքի մասին: Նա, մասնաւորապէս, առանձնացրել է սիրիահայութեանն աջակցելու  համատեղ նախաձեռնութիւնները, ինչպէս նաև Զմմառի եկեղեցու մատենադարանի ձեռագրերի թուայնացման աշխատանքները, ինչի շնորհիւ մշակութային այդ թանկարժէք նմուշները փրկուեցին ոչնչացումից և հասանելի դարձան ապագայ սերունդներին: Նախարարը յոյս  է յայտնել, որ թուայնացուած ձեռագրերի կրկնօրինակները երբևէ տեղ կգտնեն նաև Երևանի Մեսրոպ Մաշտոցի անուան հին ձեռագրերի ինստիտուտ մատենադարանում՝ այդ կերպ ևս հասու դառնալով ուսումնասիրողներին և այցելուներին:

     

    Նախարարը երախտագիտութեամբ է խօսել նաև Հայ Կաթողիկէ Եկեղեցու առաջնորդների ունեցած անգնահատելի դերի մասին՝ Հռոմի պապ Ֆրանչիսկոսի՝  Հայոց ցեղասպանութեան ճանաչման առթիւ Վատիկանի Սուրբ Պետրոսի տաճարում արտասանած ճառի մասին, որը շրջադարձային կարող է լինել Հայոց ցեղասպանութեան ճանաչման գործընթացի համար:

     

    Կաթողիկոս-Պատրիարքը շնորհակալութիւն է յայտնել ջերմ ընդունելութեան համար և ասել, որ մեծապէս գնահատում է հայապահպանութեանն ի նպաստ իրականացուող Սփիւռքի նախարարութեան գործունութիւնը և պատրաստ է շարունակել գործակցութիւնը՝ անհրաժեշտ ծրագրերի իրականացման համար:

     

    Զրոյցի աւարտին նախարար Հրանուշ Յակոբեանը Ամենապատիւ և Գերերջանիկ Տէր Գրիգոր Պետրոս Ի Կաթողիկոս-Պատրիարքին նուիրել է հայ մանրանկարչութեան կրկնօրինակ՝ ի յիշատակ Սփիւռքի նախարարութիւն կատարած նրա այցելութեան:

     

    Նոյն օրը Հոգևոր Տէրը հանդիպել է նաեւ ՀՀ Արտաքին Գործերի նախարար Էդուարդ Նալբանդեանի հետ:

    Նախարարը շնորհավորել է Պատրիարքին՝ ընտրութեան կապակցութեամբ և ասել է.

     

    «Ֆրանսիայում ՀՀ դեսպան եղածս ժամանակ Փարիզում երկար տարիներ Ձեզ հետ սերտօրէն գործակցելու բարեբախտութիւնն ունենալով՝ անձամբ ականատես եմ եղել ձեր արգասաբեր գործունեութեանն՝ իբրեւ Ֆրանսիայի հայ կաթողիկէների առաջնորդ»:

     

    Մտերմիկ զրոյցի ընթացքում նրանք եւս խօսել են 2015թ. ապրիլի 12-ի Հռոմի մեջ մատուցուած Սբ. Պատարագի մասին՝ շեշտելով դրա կարեւորութիւնը՝ որպես հայ ժողովրդի հետ համերաշխութեան և զօրակցութեան դրսեւորում և աջակցութիւն՝ մարդկութեան դէմ նոր հանցագործութիւնների, ցեղասպանութիւնների կանխարգելման ուղղութեամբ միջազգային հանրութեան ջանքերին:

     

    Ամեն. Տ. Գրիգոր Պետրոս Ի Կաթողիկոս Պատրիարքը օրերս մասնակցելու է նաև հայոց ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովի նիստին:

Օրացույց

Օրացույց


Recent Comments