• «Սրբոց Նահատակաց» առաջնորդանիստ եկեղեցու օծման նախապատրաստական աշխատանքները մոտենում են ավարտին

    «Սրբոց նահատակաց» եկեղեցու օծումը պատմական ամենակարևոր իրադարձություններից մեկն է Հայաստանի հայ կաթողիկէ համայնքի կյանքում:


    22 սեպտեմբերի, 2015թ.

    «Սրբոց նահատակաց» եկեղեցու շինարարական, ներքին հարդարման աշխատանքները գրեթե ավարտված են: Բարեկարգվել է նաև բակի հատվածը, եկեղեցու դիմացը մասամբ փակող հին շինությունը քանդվել է, բակը սալապատվել է, հետնամասում՝ պատի վրա, տեղադրվել է նաև հավատքի համար նահատակվածների հիշատակը հավերժացնող մի գեղեցիկ խաչքար, որի տակ՝ աղբյուր:

     

    Սեպտեմբերի 21-ին, ձեռամբ Արհ. Տ. Ռաֆայել արքեպս. Մինասյանի և առընթերակայությամբ հայ կաթողիկէ հոգևորականների, օծվել են եկեղեցու 5 պղնձաձույլ զանգերը, որոնք պատրաստել է գյումրեցի քանդակագործ Արտուշ Պապոյանը: Զանգերն արդեն տեղադրված են:

     

    Նույն օրը Արհ. Տ. Ռաֆայել արքեպս. Մինասյանը քահանաների ժողով է գումարել Երևանում 2015թ. սեպտեմբերի 24-ին եկեղեցու օծման արարողակարգի կազմակերպման և թեմին առնչվող այլ հարցերի վերաբերյալ: Հիշեցնեմ, որ եկեղեցու օծումը կատարվելու է ձեռամբ Տանն Կիլիկիո Կաթողիկէ Հայոց Ամեն. Տ. Գրիգոր Պետրոս Ի Կաթողիկոս Պատրիարքի:

     

    Օծման արարողությանը կմասնակցեն Սուրբ Աթոռի Արևելյան Եկեղեցիների ժողովի նախագահ Վսեմաշուք Կարդինալ Լեոնարդո Սանդրին, հայ կաթողիկէ եպիսկոպոսներ և վարդապետներ, Հայ Առաքելական Եկեղեցու ներկայացուցիչ եպիսկոպոսներ և միաբաններ, ՀՀ նախագահ պրն. Սերժ Սարգսյանը և նրա տիկինը, լատին ծեսի կաթողիկէ այլ բարձրաստիճան հոգևորականներ, Անարատ Հղության առաքինազարդ քույրեր, Սալեզյան միաբանության, Գթության միսիոներ առաքինազարդ քույրեր, ՀՀ նախարարությունների ներկայացուցիչներ, Հայաստանում օտար երկրների արտակարգ և լիազոր դեսպաններ, Շիրակի մարզպետը, Գյումրիի քաղաքապետը, հայ կաթողիկէ համայնքների ղեկավարներ՝ իրենց համայնականների հետ միասին, միջազգային կազմակերպությունների ներկայացուցիչներ, այլ հասարակական, մշակութային գործիչներ: Մասնակիցների անունները առավել մանրամասն կներկայացնենք արարողությունից հետո:

     

    Եկեղեցու բակում արարողության համար կտեղադրվեն մեծ էկրաններ, որպեսզի բակում գտնվող հավատացյալները կարողանան հետևել եկեղեցում տեղի ունեցող օծման արարողությանը: Հայ կաթողիկէ երիտասարդ կամավորականները ամբողջ ընթացքում կաշխատեն եկեղեցու տարածքում, հրավիրյալներին կուղեկցեն եկեղեցում և բակում յուրաքանչյուրի համար հատկացված տեղերը:

     

    Գյումրիի քաղաքապետարանը ասֆալտապատել է Աթարբեկյան փողոցի հայ կաթողիկէ առաջնորդարանի հատվածը և Մայակովսկի փողոցի մի մասը:

     

    Օծման կարգը կմեկնարկի ժամը 2015թ. սեպտեմբերի 24-ին, ժամը 11:00-ին: Արարողությունից հետո հրավիրյալների մի խումբ՝ Ամեն. Տ. Գրիգոր Պետրոս Ի Կաթողիկոս Պատրիարքի, ՀՀ նախագահի գլխավորությամբ, կմասնակցի Հայկական Կարիտասի Էմիլի Արեգակ կենտրոնի նորակառույց շենքի բացմանը և հյուրասիրությանը:

     

    12011336_947684815270808_3656061492831262812_n 12027629_947568811949075_8725743276925930342_n

    DSC06325DSC0632611143431_947567928615830_7322184776569395921_n

Օրացույց

Օրացույց


Recent Comments