• «Սրբոց նահատակաց» առաջնորդանիստ տաճարում տեղի ունեցավ նաև սարկավագական ձեռնադրություն

    «Մի՛ վախեցիր մեր Տիրոջ համար վկայություն տալուց…այլ ինձ նման հանձն ա՛ռ չարչարվել Ավետարանի համար, որքան որ քեզ կարողություն տա Աստված».Բ Տիմ.,1:8:


    16 օգոստոսի, 2015թ.

    2015թ. օգոստոսի 15-ին Գյումրիի «Սրբոց նահատակաց» առաջնորդանիստ եկեղեցում Սբ. Պատարագից առաջ տեղի ունեցավ Վահե Ղազարյանի սարկավագական ձեռնադրությունը՝ ձեռամբ Արհ. Տ. Ռաֆայել արքեպս. Մինասյանի և առընթերակայությամբ այլ հոգևորականների:

     

    Սարկավագի և քահանայի ձեռնադրման արարողությունները սովորաբար կատարվում են Սբ. Պատարագի ընթացքում, բայց քանի որ նույն օրը նախատեսված էր նաև Գերպ. Հ. Նարեկ վրդ. Մնոյանի քահանայական ձեռնադրությունը, ուստի Վահեի ձեռնադրությունը կատարվեց նախքան Սբ. Պատարագը:

     

    Սարկավագի աստիճանը պատկանում է քահանայական կարգին, բայց դեռևս քահանայություն չէ.սարկավագը օգնում է եպիսկոպոսին և քահանային՝ ծառայելու Աստծո ժողովրդին, բայց իրավունք չունի սուրբ խորհուրդները մատակարարելու, բայց Սբ. Պատարագի ժամանակ կարող է Ավետարան ընթերցել, Սբ. Հաղորդություն բաժանել: Սարկավագը Քրիստոսի լուծը կրում է միայն մասամբ, իսկ քահանան՝ ամբողջությամբ: Դա է պատճառը, որ սարկավագը կրում է քահանայական ուրարի միայն մի մասը՝ ձախ ուսին:

     

    Վահեն ձեռնադրության ժամանակ, ըստ կարգի, եպիսկոպոսից ստացավ, ուսուրարը, բուրվառով խնկարկելու և Սբ. Պատարագի ժամանակ Ավետարան կարդալու իշխանություն:

     

    Վահե Լազարյանն այսուհետ կկոչվի Տ. Մաշտոց սարկավագ Ղազարյան: «Մաշտոց» անունը Վահեն որդեգրել է դեռևս Մխիթարյան Միաբանության ճեմարանում սովորելու տարիներին.այդ անունը շատ հարազատ է նրա գործունեությանը:

     

    Կենսագրական տեղեկություններ

     

    Ծնվել է  1974թ. հունվարի 23-ին, Երևանում:

     

    1980-1990թթ. սովորել է Երեւանի թիվ 49 Միջնակարգ դպրոցում, 1990-1993թթ.՝  Մայր Աթոռ Սուրբ Էջմիածնի «Գևորգյան» Հոգևոր Ճեմարանում, 1993-1999թթ.՝ Մխիթարեան Միաբանութեան ընծայարանում:

     

    1993-2000թթ. եղբայր Մաշտոցն աշխատել է Վենետիկի Մխիթարեան Հրատարակչատանը եւ Սուրբ Ղազարի Թանգարանում:

     

    2000-2001թթ. աշխատել է Երեւանի Մխիթարյան Կենտրոնի հրատարակչական բաժնում,

    2001թ.՝ Վատիկանի Պետական Քարտուղարությունում, թարգմանել է Ն.Ս. Հովհաննես Պողոս Բ. Սրբազան Քահանայապետի Հայաստան այցի պաշտոնական ճառերն ու ծիսական գրությունները:

     

    2002-2003թթ. աշխատել է Վենետիկի Մխիթարյան Միաբանութեան Ընդհ. Աբբահոր Քարտուղարությունում, Ռադիո Վատիկանի հայկական բաժնում, դասավանդել է Անարատ Հղութեան Հայ Մայրապետների նորընծայուհիներին, Հռոմի Լևոնյան Հայ Վարժարանում (որպես հայոց լեզվի ուսուցիչ):

     

    2004թ.-ից   www.mashtoz.org  կայքի խմբագիրն է: 2004-2005թթ.      Վենետիկի Մխիթարեան Գրադարանի հնատիպ գրքերի կատալոգի ստեղծում (3.500-ից աւելի հնատիպ գրքերի նկարագրութիւն ու ցանկագրում).

    2006թ.-ից           ներգրավված է Հայաստանում կրոնական զբոսաշրջության կազմակերպման գործում:

    2007-2010թթ.    մասնակցել է Վենետիկի Մխիթարյան գրադարանի հնատիպ գրքերի կատալոգի ստեղծմանը (կատարել է 2.000-ից ավելի հնատիպ գրքերի նկարագրություն ու ցանկագրում):

    2010թ.-ից           «Ընդհանրական» Հրատարակչատան հիմնադիր տնօրենն է:

     

    Տ. Մաշտոց սրկ. Ղազարյանն ամուսնացած է, ունի մեկ զավակ:

     

    Տ. Մաշտոց սարկավագ Ղազարյանի կողմից թարգմանված և հրատարվակած գրքեր

     

    1. Թովմա Գեմբացի, Նմանութիւն Յիսուս Քրիստոսի, Երեւան 1996 (Ա. հրտ.), էջ 266.
    2. Ճանաչել Լուրդը՝ Բեռնադեթի քայլերին հետեւելով, Վենետիկ 1997, էջ 100.
    3. Աթանաս Աղեքսանդրացի, Սաղմոսների մեկնութիւնը, Երեւան 1999, էջ 36.
    4. Բարսեղ Կեսարացի, Հսկիր քո վրայ, Երեւան 1999, էջ 28.
    5. Աբբա, մի խօսք ասա ինձ. Անապատի հոգեկանութիւնը, Երեւան 1999, էջ 208.
    6. Խօսքին հաւատարիմ. Ճշմարտութիւնը Եհովայի Վկաների մասին, Երեւան 1999 (Ա. հրտ.), էջ 230.
    7. Nerses di Lambron, La caparra della speranza, Edizioni Qiqajon, Bose 1999, p. 36.
    8. Խօսքին հաւատարիմ. Ճշմարտութիւնը Եհովայի Վկաների մասին, Երեւան 2000 (Բ. հրտ.), էջ 230.
    9. Ադամ Պեղսենացի, Խոնարհութեան եւ լռութեան մասին, Երեւան 2001, էջ 34.
    10. Յովհաննէս Պօղոս Բ., Պսակ Կուսին Մարիամու, Բէյրութ 2003, էջ 72.
    11. Սբ. Թերեզա Յիսուս Մանկան, Երգել Տիրոջ ողորմութիւնը, Երեւան 2004, էջ 456.
    12. Խօսքին հաւատարիմ. Ճշմարտութիւնը Եհովայի Վկաների մասին, Գիւմրի 2005 (Գ. հրտ.), էջ 224.
    13. Սբ. Եօզէմարիա Էսքրիվա, Խաչի Ճանապարհ, Երեւան 2006, էջ 120.
    14. Թովմա Գեմբացի, Նմանութիւն Յիսուս Քրիստոսի, Երեւան 2007 (Բ. հրտ.), էջ 288.
    15. Տ. Կիւրեղ Արքեպս. Զոհրապեան, Յուշեր, Վենետիկ 2007, էջ 432.
    16. Սաղմոսարանը աղօթքի համար, Երեւան 2008, էջ 346.
    17. Հայրախօսական Ընթերցումներ, հտր. Ա., Երեւան 2008, էջ 342.
    18. Սբ. Եօզէմարիա Էսքրիվա, Սուրբ Վարդարանը, Երեւան 2008, էջ 114.
    19. Սբ. Եօզէմարիա Էսքրիվա, Աստծոյ հետ մտերմութիւնը, Երեւան 2008, էջ 102.
    20. Սբ. Եօզէմարիա Էսքրիվա, Սիրել աշխարհը մեծ կրքոտութեամբ, Երեւան 2008, էջ 44.
    21. Էրմէս Մ. Ռոնքի, Եթէ մի ընկեր ունես, Երեւան 2008, էջ 216.
    22. Միշէլ Քուասթ, Խօսիր ինձ սիրոյ մասին, Երեւան 2008 (Ա. հրտ.), էջ 280.
    23. Աղօթքներ Սուրբ Միքայէլ Հրեշտակապետին, Երեւան 2010, էջ 64.
    24. Սբ. Եօզէմարիա Էսքրիվա, Ճանապարհ, Երեւան 2010, էջ 280.
    25. Gregorio di Skevra, Sulla vera fede e sulla pura condotta nelle virtù, Yerevan 2010, p. 192.
    26. Միշէլ Քուասթ, Խօսիր ինձ սիրոյ մասին, Երեւան 2011 (Բ. հրտ.), էջ 256.
    27. Սբ. Եօզէմարիա Էսքրիվա, Պաշտում եմ Քեզ, թաքնուած Աստուած, Երեւան 2011, էջ 100.
    28. Սբ. Իգնատիոս Անտիոքացի, Նամակներ, Երեւան 2011, էջ 156.

     

    Հրատարակութեան պատրաստ գրքեր

     

    1. Ֆրանչեսկո Անեօլի, Ինչու՞ չենք կարող լինել աթէիստ: Աստծուն մերժող իդէոլոգիայի ձախողումը, էջ 384.
    1. Ֆրանչեսկո Անեօլի, Հետաքննութիւն Քրիստոնէութեան մասին: Ինչպէս է կերտւում քաղաքակրթութիւնը, էջ 392.
    1. Օլիվիէ Քլեման, Ֆիլոկալիա. Սէր Գեղեցկութեան: Քրիստոնէական միստիկայի հիմնական ուսուցիչների ընտիր հատուածներ եւ մեկնութիւններ, էջ 394.

    Այս գրքերի մի մասը կարելի է ընթերցել նաև էլոկտրոնային տարբերակով՝ www.mashtoz.org   կայքում:

     

    11902309_930154303690526_3843931296816694778_n DSC06124

Օրացույց

Օրացույց


Recent Comments