• Ով պատրաստ չէ հալածվելու, չի հասկանում քրիստոնյայի ճանապարհը.Սրբազան Պապի քարոզը Սբ. Մարթայի տաճարում

    Ով պատրաստ չէ հալածվելու, չի հասկանում քրիստոնյայի ճանապարհը.Սրբազան Պապի քարոզը Սբ. Մարթայի տաճարում


    12 մայիսի, 2015թ.

     

    Ըստ Radio Vatican-ի,

    2015թ. մայիսի 11-ի առավոտյան Սբ. Պատարագի ժամանակ Սրբազան Պապը խոսել է քրիստոնյաների հանդեպ հալածանքների մասին:

     

    Քրիստոսի խաչի մասին քարոզելը անպայմանորեն ենթադրում է հալածանքներ, ինչպես հալածվեց Հիսուսը և ինչպես սովորեցրեց իր աշակերտներին.

     

    «Ձեզ դուրս կհանեն ժողովարաններից: Հիրավի մոտ է այն ժամանակը, երբ ամեն ոք, ով ձեզ սպանի, կկարծի, որ պաշտամունք է անում Աստծուն» (Հվհ., 16:2):

     

    Այսօր տեսնում ենք, որ քրիստոնյաներին սպանում են Աստծու անունով: Հիսուս ասաց, որ հալածանքները կլինեն, բայց պատվիրեց չհուսահատվել և չգայթակղվել, որովհետև Սուրբ Հոգին կառաջնորդի մեզ, որ հասկանանք, բացատրել է Պապը:

     

    Հիշելով ղպտի 21 մարտիրոսներին, Պապն ասել է, որ մարտիևրոսությունը հավատքի գերագույն վկայությունն է:

     

    «Քրիստոնյան, ով լուրջ չի ընդունում մարտիրոսությունը կյանքում, չի հասկանում Հիսուսի սովորեցրած ճանապարհը.ճանապարհ, որը մեզ հրավիրում է վկայել ամեն օր՝ պաշտպանելով ուրիշների իրավունքները, մեր երեխաներին, մայրերին ու հայրերին, ովքեր պաշտպանում են իրենց ընտանիքները, շատ շատերին, ովքեր վկայում են և տառապում Հիսուսի հանդեպ սիրո համար: Մեզնից յուրաքանչյուրը հնարավորություն ունի ցույց տալու Զատկի կենսատու ուղերձը՝ վկայություն տալով և չգայթակղվելով».ասել է Սրբազան Քահանայապետը:

     

     

Օրացույց

Օրացույց


Recent Comments