• Երջանկութիւնը սահմաններ չի ճանաչում.Happy Aregak

    Երջանկութիւնը սահմաններ չի ճանաչում.Happy Aregak


    Մարտի 20-ը երջանկութեան միջազգային օրն է՝ հաստատուած ՄԱԿ-ի կողմից 2012թ.՝ յատուկ որոշմամբ, որտեղ գրուած է, որ երջանկութիւնը մարդու հիմնարար նպատակն է: Արդեն երկու տարի է ՄԱԿ-ի անդամ երկրներում տարբեր հասարակական կառոյցներ ժպիտներով, հանդիսաւոր միջոցառումներով նշում են այս յուրօրինակ տօնը:

    Երջանկութեան յուրովի ընկալում ու զգացողութիւն ունեն սահմանափակ կարողութեամբ անձինք, ովքեր կարիք ունեն հասարակութեան ուշադրութեան, սիրո, քաջալերանքի, մխիթարութեան: Բայց «խոցելի» համարուող այդ անձինք, յատկապէս երիտասարդները, երեխաները, երբեմն իրեշնք են քաջալերում ու ոգեւորում ֆիզիկական ու մտաւոր կարողութիւններով իրենց գերազանցող  տարեկիցներին, իրենց օրինակով սովորեցնում են ժպտալ՝ ի դէմս դժուարութիւնների, հուսա՛լ՝ ի դէմս անելանելի դրութեան, պայքարե՛լ, երբ բոլորը վստահ են, որ պայքարելն այլեւս անիմաստ է, հաւատա՛լ Տիրոջ օգնութեանը, երբ շատերն այլեւս չեն կարողանում հաւատալ, եւ, վերջապէս, սիրե՛լ անվերապահօրէն ու մեծագոյն նուիրումով, երբ իրենց կեանքի մէջ ներփակուած շրջապատի մարդիկ դադարում են սիրել  ուրիշներին, լինել ուշադիր ու նկատել գեղեցի՛կը մոխրագոյնի մէջ, երբ իրենց կեանքով տարուած «ոչ խոցելի» մարդիկ այլեւս անտարբեր են գեղեցիկի հանդէպ, այլեւս անտարբեր են նաեւ իրե՛նց հանդէպ եւ չեն տեսնում երջանկութեան այն մեծ ուժը, պոտենցիալը, որ կայ այդ «խոցելի» անձանց մէջ:

    Հայ Կաթողիկէ Կարիտաս բարեսիրական կազմակերպութեան «Արեգակ» բազմակի հաշմանդամութեամբ անձանց ցերեկային խնամքի կենտրոնի երեխաները մարտի 19-ին նշեցին իրե՛նց երջանկութեան տօնը.նրանք անվասայլակներով, կամաւորական երիտասարդների օգնութեամբ, լայն ժպիտներով, օդապարիկներով դուրս էին եկել Գիւմրիի հրապարակ՝ գիւմրեցիներին ասելու, որ իրե՛նք էլ են երջանիկ, չնայած գամուած են անուասայլակին կամ ունեն բազում խնդիրներ, որոնք շա՛տ աւելի ծանր են ու երկարատեւ, քան գիւմրեցիների բոլոր սոցիալական խնդիրները միասին վերցուած, բայցեւայնպէս, իրենք կարողանո՛ւմ են լայն ու ինքնամոռաց ժպտալ, երբ տեսնում են արեւի լոյսը, երբ տեսնում եմ միմեանց, երբ տեսնում են ինքնամոռաց նուիրումով իրենց մասին հոգ տանող կամաւորական երիտասարդներին, ովքեր անշահախնդիր աշխատանքի ուժը ստանում են հենց իրե՛նց անմիջական ժպիտներից, վայրկենական ուրախութիւնից, ինչու՞ չէ, նաեւ՝ տխրութիւններից, որոնք ստիպում են է՛լ աւելի ուշադիր լինել այս անմեղ, բայց երջանկութեան իրաւունք ունեցող եւ երջանկութեան հարգն իմացող փոքրիկների հանդէպ:

     Նրանց ուրախութիւնը կիսելու էին եկել Գիւմրի եւ Աշոցքի հայ կաթողիկէների ժողովրդապետ Հ. Պետրոս վրդ. Եսայեանը, Քաղաքապետարանի Մշակոյթի բաժնի պետ Ատուշ Մկրտչեանը, Հայ Կաթողիկէ «Փոքրիկ իշխան» ցերեկային խնամքի կենտրոնի երեխաներն ու այլ հիւրեր: Հ. Պետրոսը հայրական սիրով երեխաների հետ զրուցեց երջանկութեան հոգեւոր իմաստի մասին.կատարեալ երջանկութիւնը հիմնուած է ներքին խաղաղութեան եւ Աստուծոյ հետ յարատեւ յարաբերութեան, աղօթքի վրայ, շեշտեց վարդապետը եւ խնդրեց երեխաներին աւելի շատ աղօթել եւ այդպիսով օրինակ ծառայել ուրիշներին: Քաղաքապետարանի աշխատակիցը երեխաներին փոխանցեց քաղաքապետի բարեմաղթանքներն ու նուերը՝ հրապարակի մեծ էկրանին ցուցադրուեց Արեգակի երեխաների մասնակցութեամբ պատրաստուած Happy Aregak փոքրիկ տեսագրութիւնը, որը ներկայացնում ենք ստորեւ:

     

     

     

     

     13165_10153717198537080_4280782095757072390_n 19119_10153717196412080_719690459810837288_n 10868263_10153717195612080_9185278286586874832_n 10995789_10153717196537080_945692914251698929_n 10995789_10153717196647080_4334820941194589760_n 11023335_10153717195292080_2973417598587875853_n 11075032_10153717195762080_8853707591625634507_n 11081149_10153717196837080_1070953161841208492_n 11082589_10153717195862080_4451752048003126232_n10421318_10153717197012080_1150248992890808271_n10329169_10153717197072080_4636440943066794850_n

Օրացույց

Օրացույց