• Ֆրանցիսկոս Քահանայապետը Եկեղեցուն կոչ է անում զարգացնել աղոթական կյանքը

    «Եկեղեցու առաքելության սիրտը աղոթքն է»


    Ն. Ս. Ֆրանցիսկոս Սրբազան Քահանայապետի աղոթքի համաշխարհային ցանցը հրապարակեց դեկտեմբեր ամսվա աղոթքի դիտավորության ամենամսյա տեսաուղերձը:

     

    2020թ. վերջին ամսին, երբ դեռ աշխարհը վարակված է COVID-19 համավարակով, Նորին Սրբությունը դիմում է հավատացյալներին և ջերմեռանդ միասնական աղոթքի կոչ է անում.

     

    «Եկեղեցու առաքելության սիրտը աղոթքն է: Աղոթքն այն բանալի է, որի օգնությամբ մենք երկխոսության մեջ ենք մտնում Երկնային Հոր հետ:

     

    Ամեն անգամ, երբ կարդում ենք ինչ-որ հատված Ավետարանից, մենք լսում ենք Հիսուսին, Ով խոսում է մեզ հետ: Մենք զրուցում ենք Հիսուսի հետ, լսում Նրան և պատասխանում: Դա՛ է աղոթքն է:

     

    Աղոթելով՝ մենք փոխում ենք իրականությունը, փոխում ենք մեր սրտերը:

    Մեր սիրտը փոխվում է, երբ աղոթում է:

    Մենք շատ բան կարող ենք անել, սակայն առանց աղոթքի ոչինչ չի ստացվի:

     

    Աղոթե՜նք, որպեսզի մեր անձնական հարաբերությունները Հիսուս Քրիստոսի հետ սնուցվեն Աստծո Խոսքով և աղոթական կյանքով»:

     

    Վատիկան Նյուզ,

    Թարգմ.՝ Նաիրա Բաղդասարյան

Օրացույց

Օրացույց


Recent Comments